સૌરાષ્ટ્રના એક ગામમાં ગજબ ઘટના બની : રૂઢિગત માન્યતાઓ તથા અંધશ્રદ્ધા અને ભૂતપ્રેત જેવા વહેમોનો હડસેલવાનું પ્રયોજનઃ ભારતના બંધારણના શપથ લઈને થયાં લગ્ન, કન્યાપક્ષના લોકોએ કાળાં કપડાં પહેરીને અને ભૂતપ્રેતનાં મહોરાં સાથે કર્યું સામૈયું
ભૂતપ્રેતની વેશભૂષા અને કાળાં કપડાંમાં ઉપસ્થિત લોકો વચ્ચે કન્યા પાયલ અને વરરાજા જયેશ
અંધશ્રદ્ધા, ભૂતપ્રેત, સારાં-ખરાબ ચોઘડિયાં, લગ્નમાં કાળાં કપડાં નહીં પહેરવા જેવી માન્યતાઓને હડસેલીને સમાજમાં ઉદાહરણ બેસાડવા માટે ભારત જન વિજ્ઞાન જાથાના સહયોગથી ગઈ કાલે રામોદ ગામમાં પાયલ અને જયેશનાં થયાં અનોખી રીતે લગ્ન સૌરાષ્ટ્રમાં કોટડાસાંગાણી પાસે આવેલા રામોદ ગામમાં ગઈ કાલે પાયલ રાઠોડ અને જયેશ સરવૈયાએ કાળ ચોઘડિયામાં ઊંધા ફેરા ફરીને વિશ્વાસ ન બેસે અને અચરજ થવા સાથે હેં બોલાઈ જવાય એવી રીતે લગ્ન કર્યાં હતાં અને લગ્નમાં કન્યાપક્ષ અને વરપક્ષના સૌકોઈ ઉત્સાહ સાથે સહભાગી થયા હતા. અંધશ્રદ્ધા, ભૂતપ્રેત, સારાં-ખરાબ ચોઘડિયાં, લગ્નમાં કાળાં કપડાં ન પહેરવાં જોઈએ જેવી માન્યતાઓને હડસેલીને સમાજમાં ઉદાહરણ બેસાડવા માટે ભારત જન વિજ્ઞાન જાથાના સહયોગથી અનોખી રીતે લગ્ન થયાં હતાં.