ગુજરાતની નવરાત્રિ એ ભક્તિ, શક્તિ અને ચણિયાચોળી-કેડિયાંમાં સજ્જ તમામ વયના ખેલૈયાઓના ગરબાના અનોખા ઉત્સાહનો પર્વ છે, જેમાં હવે ખાણીપીણીનો રંગ પણ ઘેરો બન્યો છે. અમદાવાદ સહિત ગુજરાતનાં અનેક શહેરોમાં મોડી રાત સુધી રેસ્ટોરન્ટ્સ અને ફૂડ જોઈન્ટ્સ ખુલ્લાં રહેતાં ખેલૈયાઓને ગરબાના બ્રેકમાં કે વહેલી સવાર સુધી મનપસંદ વાનગીઓ માણવાની તક મળે છે. એક સમય હતો જ્યારે રાત્રે બાર વાગ્યા સુધી ગરબા રમ્યા બાદ લોકો માણેકચોકનો ટ્રેડિશનલ સ્વાદ માણવા પહોંચતા, જ્યારે હવે શહેરની વિવિધ રેસ્ટોરન્ટ્સમાં ગરબા પ્રેમીઓ માટે મોડી રાત સુધી વાનગીઓ અને ઉપવાસીઓ માટે ખાસ પૌષ્ટિક ફરાળી મેનુ પણ ઉપલબ્ધ બને છે.
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કૉલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)16 October, 2026 02:42 IST Gujarat | Gujarati Mid-day Online Correspondent
શાહી રાણી હાર, કચ્છી કળાનો રજવાડી નેકપીસ, ફૅબ્રિકની કલરફુલ બંગડીઓ અને વીંટીઓ સાથે કોડી અને પોમ-પોમની નાની-નાની ચીજો તમારા લુકમાં ૪ ચાંદ લગાવી દે એમ છે. મુંબઈની માર્કેટમાં તમારા નવરાત્રિ-લુકને નિખારે એવા કેવા ઑપ્શન્સ અવેલેબલ છે એ જાણી લો
આ વખતે નવરાત્રિના લુકમાં માત્ર કપડાં જ નહીં; ઝૂમખાં, બંગડીઓ, હાર, કમરબંધ, હાથનાં કડાં, માથાની ઍક્સેસરીઝ અને કલરફુલ ટ્રેડિશનલ જ્વેલરી પણ ખાસ આકર્ષણનું કેન્દ્ર બન્યાં છે. પોશાક જેટલો રંગીન, ઍક્સેસરીઝ એટલી જ ધમાકેદાર હોવી હવે જરૂરી બની ગઈ છે. જોકે આ વખતના કલેક્શનને જોતાં એવું લાગી રહ્યું છે કે આ નવરાત્રિમાં ઍક્સેસરીઝ નવરાત્રિનાં કપડાં પર ભારી પડશે13 October, 2026 02:55 IST Mumbai | Darshini Vashi
કવિવારના આજના મણકામાં મળીએ કવિ ઉદયન ઠક્કરને. મુંબઈના આ કવિ કવિ, લેખક અને અનુવાદક છે. તેમનો જન્મ ૨૮/૧૦/૧૯૫૫ના રોજ મુંબઈમાં જ થયો હતો. વ્યવસાયે ચાર્ટર્ડ એકાઉન્ટન્ટ અને કોસ્ટ એકાઉન્ટન્ટ એવા આ કવિ શબ્દોનું સરવૈયું કરતાં પણ સરસ રીતે જાણે છે.
‘ગુજરાતી ભાષા મરી પરવારી છે’, ‘ગુજરાતી ભાષા વેન્ટિલેટર પર છે’ આવા વાક્યો તમે સાંભળ્યાં હશે. કદાચ તમે પણ આવું જ વિચારતા હશો. પરંતુ ગુજરાતી ભાષા કેટલાય કવિ-લેખક-પત્રકારોના ખોળે રમી-રમીને ઊછરી છે અને આવી સમૃદ્ધ ભાષા બળાપાનો ભોગ નથી બનતી. આપણે જીવ બાળવાને બદલે ભાષાના વારસાનો દિવો કરી તેનો મનમાં અને હૈયામાં ઉજાસ કરીએ. ગુજરાતી કવિતાઓનો રસાસ્વાદ આવો જ એક પ્રયાસ છે, જેના થકી આવી મહામૂલી ભાષાની ઉત્તમ રચનાઓ અને તેના સર્જકોને ફરી જીવીએ, ફરી મમળાવીએ. આ કવિતાના શબ્દોની પાંખે બેસી કોઇ નવા બ્રહ્માંડની સફર કરી શકાય એ માટે ગુજરાતી મિડ-ડે ડૉટ કૉમ આપની માટે ગુર્જર ભાષાના જાણીતા કવિઓના જીવન-કવન અને કવિતાઓ લઈને આવ્યું છે આ ‘કવિવાર’માં. આવો, સાથે મળી દર બીજા અને ચોથા મંગળવારે ‘કવિવાર’ (Kavivaar) ઊજવીએ.13 October, 2026 02:37 IST Mumbai | Dharmik Parmar
શારદીય નવરાત્રિ અધર્મ પર ધર્મની ફતેહનો ઉત્સવ છે. મા દુર્ગાએ મહિષાસુર સાથે ૯ દિવસ અને ૯ રાત યુદ્ધ કરીને દસમીના દિવસે વિજય મેળવ્યો એના માનમાં ઊજવાતું આ પર્વ ભારતનો લૉન્ગેસ્ટ ફેસ્ટિવલ છે. આજથી જ આ શુભ-મંગલ જશનનું મંગલાચરણ થઈ રહ્યું છે ત્યારે એક નહીં, શ્રી શક્તિનાં નવેનવ રૂપોનું પ્રતિનિધિત્વ કરતાં મંદિરોની માનસયાત્રા કરીએ
નોરતાંનું મહાપર્વ કેવળ ધાર્મિક અનુષ્ઠાન નથી. આ કાળખંડ સાથે શારીરિક, આત્મિક અને બ્રહ્માંડીય શુદ્ધીકરણનો દૃષ્ટિકોણ જોડાયેલો છે. શારીરિક શુદ્ધીકરણના વૈજ્ઞાનિક અભિગમ વિશે સૌને ખ્યાલ છે જ કે બે ઋતુના સંધિકાળમાં થતી ફિઝિકલ ઊથલપાથલથી મુક્ત થવા સાત્ત્વિક આહાર, ફળાહાર, રાત્રિચર્યા તથા શારીરિક હલનચલન કરવાથી શરીરનું ડીટૉક્સિફિકેશન થાય છે. એ જ રીતે આ દિવસોમાં કરવામાં આવતી શક્તિસ્વરૂપની સાધના મન-આત્મામાં છુપાયેલા મોહ, લોભ, અહંકાર, કામ-વાસના જેવા આંતરિક અસુરોને ખદેડી નાખીને અંતરમન શુદ્ધ કરે છે. બ્રહ્માંડીય ઊર્જાને ચેતનવંતી કરવાની વાત કરીએ તો આ સમયમાં સૂર્યદેવ દક્ષિણાયનમાં હોવાથી બ્રહ્માંડની ચેતના ક્ષીણ થવા લાગે છે. ત્યારે માતૃશક્તિની આરાધના સમસ્ત અંતરીક્ષના ચૈતન્યને જાગૃત કરીને સૃષ્ટિને ફરી જીવંત બનાવે છે.
વળી વેદિક ધર્મે તો વધુ ઊંડાણમાં જઈ આ પર્વના ૯ દિવસને ૩ ગુણમાં વિભાજિત કર્યા છે અને ઋષિમુનિઓએ મનુષ્યજાતના કલ્યાણાર્થે તેનામાં રહેલા એ દોષોનો નાશ કરવા નવેનવ દિવસ દેવીમાતાનાં ભિન્ન-ભિન્ન સ્વરૂપોની પૂજા-સાધના કરવાનું સૂચન કર્યું છે. આપણા દેશમાં એ દૈવી રૂપોને સમર્પિત અનેક મંદિરો પણ છે. આજે આ શૃંખલાનાં પૌરાણિક-પ્રાચીન મંદિરો વિશે જાણીએ.11 October, 2026 04:35 IST Mumbai | Alpa Nirmal
નવરાત્રિની રંગત અને માની આરાધનામાં ગરબાનું સ્થાન અનોખું છે. જોકે આજના સમયમાં માતાજીનો ગરબો હવે માત્ર માટીનું પાત્ર નથી રહ્યો, પરંતુ એ કલાત્મકતાનું પ્રતીક બની ગયો છે. બદલાતા જમાના સાથે ગરબાની સજાવટમાં પણ વૈવિધ્ય આવ્યું છે. જાણીએ આ વર્ષે માર્કેટમાં કેવા ડિઝાઇનર ગરબા આવ્યા છે
ગરબાની સ્થાપના વિના નવરાત્રિની અંબાજીની પૂજા અપૂર્ણ માનવામાં આવે છે. જોકે સમય બદલાવાની સાથે ગરબાનું સ્વરૂપ પણ બદલાયું છે. એક જમાનો હતો જ્યારે લોકો કુંભારવાડામાંથી માટીનો સાદો ગરબો લાવીને પૂજામાં મૂકતા હતા. જોકે આજે ગરબો માત્ર એક પૂજાપાત્ર નથી રહ્યો, કલાત્મક શૃંગારનું પ્રતીક બની ગયો છે. લોકો હવે પોતાના ઘર માટે ખાસ ઑર્ડર આપીને ભારે ડેકોરેટિવ, કુંદન-ડાયમન્ડ વર્કવાળા અને કલાત્મક ભાતવાળા ગરબા બનાવડાવે છે. આ વર્ષે નવરાત્રિમાં ગરબાના ડેકોરેશનમાં પણ આવી ગઈ છે અનોખી ડિઝાઇનો. પહેલાં આભલાં-ટીકલી, તોઈ અને મૌલીથી ડેકોરેટ થતા ગરબા રહેતા. હવે ગરબાની સજાવટમાં ગરબા-એક્સપર્ટ્સ નેક્સ્ટ લેવલે જઈ રહ્યા છે. જો તમારે પણ હજી ગરબો લાવવાનો બાકી હોય તો જાણી લો કેવી-કેવી ડિઝાઇનો આજકાલ ટ્રેન્ડમાં છે. 10 October, 2026 09:08 IST Mumbai | Kajal Rampariya
આવતી કાલથી નવરાત્રિ શરૂ થઈ રહી છે ત્યારે ગરબા માટેના તમારા આઉટફિટમાં કંઈક નવું કલેક્શન ઉમેરવાનું રહી ગયું હોય તો મિડ-ડે લઈ આવ્યું છે મુંબઈની બોરીવલી, કાંદિવલી, મલાડ, મુલુંડ અને ભુલેશ્વરની મુખ્ય માર્કેટ્સમાંથી શું-શું લેવા જેવું છે એનું સિલેક્ટિવ કલેક્શન. અજરખના ચણિયા, કુમકુમ પગલાંના ઘાઘરા, સ્પૅગેટી સ્ટાઇલનાં બ્લાઉઝ, ઇન્ડો-વેસ્ટર્ન કેડિયાં, ઘાઘરા અને ઓઢણીનું ફ્યુઝન અને બીજું શું-શું નવું આવી રહ્યું છે એની સ્ટાઇલ-ગાઇડ જોઈ લો
ભુલેશ્વરમાં મળશે ફ્યુઝનની બોલબાલા
સાઉથ મુંબઈના ભુલેશ્વરમાં આ વખતે ટ્રેડિશનલ નવરાત્રિ માટેના માર્કેટમાં ફ્યુઝનનો તડકો જોવા મળી રહ્યો છે. વાઇટ, ક્રીમ, પેસ્ટલ કલરથી લઈને ડાર્ક બ્રાઉન, મરૂન રંગના મિનિમલ ડિઝાઇનવાળા ઘેરદાર ઘાઘરાના એટલાબધા ઑપ્શન્સ છે કે ન પૂછો વાત. આ માર્કેટમાં પ્લેન ઘેરદાર ચણિયાની ઉપર હેવી ચોલીનું ફ્યુઝન કરી શકાય એવા મલબક ઑપ્શન્સ છે. કચ્છી ભરત અને મિરરવર્કવાળી રંગબેરંગી કોટી કે બ્લાઉઝ કોઈ પણ ધોતીસ્ટાઇલ પૅન્ટ સાથે પહેરી શકાય એવાં છે. માર્કેટમાં ભારે ભીડની વચ્ચે ગ્રાહકોની ડિમાન્ડ પરથી સમજી શકાતું હતું કે નવી જનરેશન નવરાત્રિના રંગબેરંગી ચટકમટક વર્કને બદલે પ્લેન ઘાઘરા અને હળવી ચોલીની સાથે ભરાવદાર વર્કવાળી ઓઢણીઓને પસંદ કરી રહી છે.
મુલુંડ માર્કેટમાં નવરાત્રિનો ધમધમાટ
આ વર્ષે ગરબાના ગ્રાઉન્ડમાં નવેનવ દિવસ ફ્રેશ અને અલગ લુક જોઈએ તો મુલુંડની માર્કેટમાં મળશે એના અનેક વિકલ્પો
મુલુંડ સ્ટેશનની લગોલગ આવેલા રામ રતન ત્રિવેદી (RRT) રોડ પર ભરાતી માર્કેટ ખેલૈયાઓ માટે નવું શૉપિંગ ડેસ્ટિનેશન બની ગયું છે. પહેલાં નવરાત્રિનું શૉપિંગ કરવા માટે સેન્ટ્રલ સબર્બ્સના લોકોએ સાઉથ મુંબઈ જવું પડતું હતું, પણ છેલ્લાં બે-ત્રણ વર્ષથી મુલુંડમાં નવરાત્રિ માટેનું એક્સક્લુઝિવ કલેક્શન જોવા મળી રહ્યું છે. જો તમે પણ આ નવરાત્રિમાં ટ્રેન્ડી અને યુનિક દેખાવા માગતા હો તો મુલુંડ માર્કેટમાં મળતી આ ખાસ વસ્તુઓ પર નજર કરવા જેવી છે.
બ્લાઉઝનું ફ્યુઝન
મલ્ટિકલર થ્રેડવાળું બ્લાઉઝ પ્લેન કે વર્કવાળા ઘાઘરા સાથે બહુ આકર્ષક લાગે છે. એમાં રહેલી ગરબા મોટિફ એમ્બ્રૉઇડરી અને મિરરવર્ક આઉટફિટને વધુ યુનિક અને રિચ લુક આપે છે. આ ઉપરાંત અત્યારે ઘુંઘરૂ ટ્રેન્ડનો દબદબો નવરાત્રિ કલેક્શનમાં પણ જોવા મળી રહ્યો છે. બ્લાઉઝમાં અલગ-અલગ રીતે કરવામાં આવેલું ઘુંઘરૂવર્ક ગરબા રમતી વખતે અવાજ અને લુક બન્નેને એન્હૅન્સ કરવાનું કામ કરે છે. માર્કેટમાં ફ્રિન્જવાળાં બ્લાઉઝ, બોહો ચિક મિરર અને મલ્ટિકલર થીમ કોર્સિટ બ્લાઉઝ અત્યારે ફૅશનમાં ઇનથિંગ હોવાથી તમારા વૉર્ડરોબ કલેક્શનમાં સામેલ કરી શકો છો.
ચણિયાચોળીમાં અઢળક ઑપ્શન્સ
વધેલા ફૅબ્રિકને અપસાઇક્લિંગ કરીને બનાવેલા મલ્ટિકલર કળીદાર ઘાઘરા પણ બોહો અને ટ્રેડિશનલ લુક આપે છે અને આવા મલ્ટિકલર કળીવાળાં ચણિયાચોળી બહુ ટ્રેન્ડમાં છે. એમાં બાંધેજ, બ્લૉક પ્રિન્ટ અને ગોટાપટ્ટીની બૉર્ડર સાથે કરેલું પૅચવર્ક અસ્સલ નવરાત્રિ વાઇબ્સ આપે છે. આવા ઘાઘરા સાથે તમારા હિસાબે મિક્સ ઍન્ડ મૅચ કરી શકાય એવું બ્લાઉઝ અને દુપટ્ટો પેર કરીને ચણિયાચોળીનો સેટ બનાવી શકાય.
રેડ ઍન્ડ બ્લૅક કૉમ્બિનેશનમાં અજરખ પ્રિન્ટ, મિરરવર્ક અને ગોટાપટ્ટી બૉર્ડરવાળાં ચણિયાચોળી માર્કેટમાં બહુ વેચાઈ રહ્યાં છે. આ ઉપરાંત પર્પલ અને મરૂન શેડમાં હાથી, મોર અને આભલાવર્કની બૉર્ડર હોય એવાં ચણિયાચોળીની પણ અત્યારે ભારે ડિમાન્ડ છે.
જો તમે કંઈક હટકે અને રૉયલ લુક ઇચ્છતા હો તો વાઇટ ફૅબ્રિકવાળાં ફ્લેર્ડ ચણિયાચોળી શ્રેષ્ઠ છે. એમાં ચોલી પર કલશ ડિઝાઇન, આભલાં અને થ્રેડવર્કનું કૉમ્બિનેશન હોય છે અને સ્કર્ટ પર રંગબેરંગી ગોટાપટ્ટીના સ્તરો હોય છે.
- દર્શિની વશી અને કાજલ રામપરિયા10 October, 2026 08:24 IST Mumbai | Gujarati Mid-day Correspondent
ગુજરાત અને રાજસ્થાનની સરહદે વસેલું બનાસકાંઠાનું પાલનપુર શહેર જેટલું તેના સમૃદ્ધ વારસા, ઝળહળતા હીરાના વેપાર, દૂધ ઉત્પાદન અને જૈન સંસ્કૃતિ માટે જાણીતું છે, એટલું જ તે પોતાની સાદગીપૂર્ણ અને સોડમદાર ખાણી-પીણી માટે પણ મશહૂર છે. અહીંની વૈવિધ્યસભર ફૂડ લાઈફમાં પાલક કઢી પકોડા પાલનપુરના સ્ટ્રીટ ફૂડની ખાસ ઓળખ અને સવારનો પ્રિય નાસ્તો બની ચૂક્યા છે. જેમકે ધનિયા ચોકડીથી ગઠામણ સુધી છેલ્લાં ચાર-પાંચ દાયકાથી ગુંજતો આ અસલ સ્વાદ હવે અમદાવાદ પહોંચ્યો છે, જ્યાં 14 વર્ષની કોર્પોરેટ કારકિર્દી છોડી ગૌરવ ખત્રીએ સોલા બ્રિજ પાસે ગુલાબ ટાવર કોમ્પ્લેક્સમાં ‘Palak Pakoda House’ શરૂ કર્યું છે. તાજી પાલકના ક્રિસ્પી પકોડા, દેશી પીળી કઢી, ચટણી, મસાલા અને પાવના આ સંગમને અમદાવાદીઓ ખૂબ ઉત્સાહથી આવકારી રહ્યા છે.
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કૉલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)09 October, 2026 08:01 IST Mumbai | Gujarati Mid-day Online Correspondent
ગરબાના ગ્રાઉન્ડમાં દર વર્ષે ફૅશનના નવા પ્રયોગો જોવા મળે છે, પણ છેલ્લા કેટલાક સમયથી ડેનિમ પર ગામઠી કલાનું ફ્યુઝન વાઇરલ ટ્રેન્ડ બની ચૂક્યો છે. હેવી ચણિયાચોળી દરરોજ પહેરવાં કે કૅરી કરવાં કેટલીક વાર મુશ્કેલ બને છે ત્યારે આ ગામઠી ડેનિમ એક યુનિક, કમ્ફર્ટેબલ અને સ્ટાઇલિશ વિકલ્પ પૂરો પાડે છે. ડેનિમની મજબૂતી અને એની સાથે ગુજરાતની લોકકલા, પૅચવર્ક, કોડીઓ, આભલાં અને રંગબેરંગી દોરાનું એમ્બ્રૉઇડરી ભેગું થઈને એક અનોખો ફ્યુઝન લુક આપે છે.08 October, 2026 05:57 IST Mumbai | Gujarati Mid-day Online Correspondent
ADVERTISEMENT
ADVERTISEMENT
This website uses cookie or similar technologies, to enhance your browsing experience
and provide personalised recommendations. By continuing to use our website, you agree
to our Privacy Policy and Cookie Policy. OK
