ફિલ્મ હોય કે પાછો કોઈ ટીવી-શો એક્ટર્સ તેમના રોલને જીવંત બનાવવા માટે ખૂબ જ મહેનત કરે છે. અનેક વખત એક્ટર્સે તેમના રોલને પ્લે કરવા માટે પોતાના શરીરમાં પણ કેટલાક મોટા ફેરફાર કરવા પડે છે. આ ફેરફારમાં અનેક વખત એક્ટર્સને વજન વધારવાથી લઈને વજન ખૂબ જ ઓછો કરવા સુધી પોતાને બદલવું પડે છે, કે પછી બૉડી બનાવવી હોય વગરે પ્રકારે એક એકટરને તેના રોલ માટે મહેનત કરવી પડે છે. આવું કરવાથી તેમનો રોલ ફિલ્મ કે શોમાં વધુ વાસ્તવિક બનવાની સાથે એક મોટો ઇમ્પેક્ટ પણ પાડે છે. તાજેતરમાં અભિનેતા રવિ દુબેએ સોશિયલ મીડિયા પર કરેલી પોસ્ટથી સૌને આશ્ચર્યચકિત કરી દીધા છે. આ પોસ્ટમાં રવિ દ્દુબેનું એકદમ શોકિંગ ટ્રાન્સફોર્મેશન જોવા મળી રહ્યું છે. રવિએ આ ટ્રાન્સફોર્મેશન તેની આગામી વેબ-સિરીઝ ‘મત્સ્ય કાંડ’ માટે કર્યું હતું. અહીં જણાવવાનું કે રવિ દુબે એકમાત્ર એવો અભિનેતા નથી જેણે એક્ટિંગ પ્રત્યે આટલી પ્રતિબદ્ધતા દર્શાવી હોય. આ પેહલા પણ શાહરુખ ખાનથી લઈને હૉલીવૂડના ક્રિશ્ચિયન બેલ જેવા અભિનેતાઓએ તેમની ફિલ્મમાં એવા રોલ કર્યા છે જે ફિલ્મ આજે ઇતિહાસમાં શ્રેષ્ઠ બની ગઈ છે. ચાલો જાણીએ આ અભિનેતાઓ વિશે.
(તસવીર સૌજન્ય : પીઆર)
20 May, 2024 07:13 IST | Mumbai | Gujarati Mid-day Correspondent