અમદાવાદ શહેરમાં ગણતરીની રેસ્ટોરન્ટ એવી છે કે જે ચાર દાયકા કે તેથી વધુ સમયથી ધમધમી રહી છે. આ રેસ્ટોરન્ટમાં જમવા જાઓ એટલે સમજી લો કે સ્વાદિષ્ટ અને સ્ટાન્ડર્ડ ભોજનનું સરનામું. આંખો મીચીને જવાય તેવી જગ્યા. વળી આમાંની ઘણી રેસ્ટોરન્ટ તો એવી છે કે તેમણે સમયની સાથે બદલાવ કરીને પોતાના મેનુમાં જાતજાતની વાનગીઓ ઉમેરી છે અને લોકોના હૃદયમાં સ્થાન મેળવ્યું છે. તે પૈકી અમદાવાદના મણિનગર વિસ્તારમાં આવેલી પ્રસિદ્ધ ‘રસના રેસ્ટોરન્ટ’, 1988થી લોકોના હૃદય પર રાજ કરી રહી છે.
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કોલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)
17 January, 2025 05:49 IST | Ahmedabad | Gujarati Mid-day Online Correspondent
