આકાશ ચોપડાએ કેમ પોતાની બેટિંગ ઉપર જ કોમેન્ટ્રી કરી?
આકાશ ચોપડા
ભારતીય ક્રિકેટ ટીમના પૂર્વ ખેલાડી આકાશ ચોપડા (Aakash Chopra) પોતાના ક્રિકેટ કરિયર કરતા વધુ એક કોમેન્ટેટર તરીકે પ્રચલિત છે. આંતરરાષ્ટ્રીય સ્તરે ભલે તેમણે ઓછી મેચ રમી હોય પરંતુ ડોમેસ્ટીક ક્રિકેટમાં તેમની કારકિર્દી સારી રહી હતી.
પોતાની અદભુત કોમેન્ટ્રી માટે ફેમસ આકાશ ચોપડાએ પોતાની બેટિંગના એક વીડિયો ઉપર જ કોમેન્ટ્રી કરી છે. લાંબા સમયથી ફૅન્સની માગ હતી કે આકાશ ચોપડા પોતાની બેટિંગ ઉપર કોમેન્ટ્રી આપે. આકાશ ચોપડાએ પણ ફૅન્સને નારાજ કર્યા નહીં.
ADVERTISEMENT
On public demand ?? #AakashVani pic.twitter.com/ojTtA8iwnL
— Aakash Chopra (@cricketaakash) October 15, 2020
તેમણે પોતાના ટ્વીટર અકાઉન્ટમાં એક વીડિયો શૅર કર્યો, જેમાં તે ઑસ્ટ્રેલિયા સામેની એક મેચમાં બેટિંગ કરી રહ્યા છે અને પાછળ એ પોતે જ કોમેન્ટ્રી આપી રહ્યા છે. વીડિયોમાં આકાશ ચોપડાએ ઉપર કમેન્ટ આપી કે, ઓન પબ્લિક ડિમાંડ.
વીડિયોના ત્રણ બોલ પણ અદભુત છે. બ્રેટ લી બોલિંગ કરી રહ્યો છે જેમાં પહેલા બોલમાં તે આઉટ સાઈડ એજથી બચી જાય છે, બીજા બોલમાં ગિલક્રિસ્ટ તેનો કેચ પકડે છે પરંતુ તે નો બોલ હોય છે અને ત્રીજા બોલમાં સાયમન કેટિચ કેચ છોડી છે. આ ત્રણેય ઈન્ટરસ્ટિંગ બોલમાં આકાશ ચોપડાની કોમેન્ટ્રી પણ સાંભળવા જેવી છે.