છેલ્લાં વર્ષોમાં ડાયરેક્ટ ક્રિમેશનનું પ્રમાણ વધ્યું છે.
અંતિમ સંસ્કાર
બ્રિટનમાં મોંઘવારીએ લોકોની હાલત એટલી કફોડી બનાવી દીધી છે કે અહીં મરવાનું પણ મોંઘું થઈ ગયું છે. પોતાના પ્રિયજનના અંતિમ સંસ્કાર કરાવવા માટે લોકો લાખો રૂપિયા ખર્ચી રહ્યા છે. ફાઇનૅન્સ ગ્રુપ સનલાઇફના રિપોર્ટ અનુસાર જો કોઈ વ્યક્તિ પ્રિયજનની અંતિમવિધિ પોતાની હાજરીમાં કરાવવા માગતી હોય તો તેણે ૪.૨૯ લાખ રૂપિયા ખર્ચવા પડે છે. એનું કારણ એ છે કે ફૂલો અને લોકોને જમાડવાનો ખર્ચ વધી જાય છે. જો અંતિમવિધિ ડાયરેક્ટ એટલે કે વ્યક્તિની ગેરહાજરીમાં થાય તો એનો ખર્ચ ૧.૫ લાખ રૂપિયા થાય છે. આમાં વ્યક્તિ મૃત્યુ પામનારને અંતિમ વિદાય આપી શકતી નથી.
છેલ્લાં વર્ષોમાં ડાયરેક્ટ ક્રિમેશનનું પ્રમાણ વધ્યું છે. જોકે એમાં પણ કૌભાંડ થવા માંડ્યાં છે. ઘણી વખત ફ્યુનરલ-ડિરેક્ટર પૈસા તો લે છે, પણ સંપૂર્ણ વિધિથી અંતિમ સંસ્કાર નથી કરતા. અમુક લોકો તો ઉધાર લઈને પણ પ્રિયજનના અંતિમ સંસ્કાર કરી રહ્યા છે. એક સર્વે મુજબ ૬૦ ટકા લોકોએ સસ્તાં કૉફિન અને સસ્તાં ફૂલ ખરીદ્યાં હતાં.
