કોર્ટે કહ્યું હતું કે જે લોકોનાં નામ રાજકીય નેતાઓનાં નામ સાથે મળતાં હોય તેમને ચૂંટણી લડતાં રોકી શકાય નહીં
સુપ્રીમ કોર્ટની ફાઇલ તસવીર
એકસરખાં નામ ધરાવતા ઉમેદવારોને ચૂંટણી લડવા પર પ્રતિબંધ મૂકવામાં આવે એવી માગણી કરતી એક અરજીને સુપ્રીમ કોર્ટે ફગાવી દીધી છે. કોર્ટે કહ્યું હતું કે જે લોકોનાં નામ રાજકીય નેતાઓનાં નામ સાથે મળતાં હોય તેમને ચૂંટણી લડતાં રોકી શકાય નહીં. જનહિતની અરજી કરનારા અરજદારનું કહેવું હતું કે ચૂંટણીમાં મતદારોને ગેરમાર્ગે દોરવા માટે હાઈ પ્રોફાઇલ બેઠકો પર સરખાં નામ ધરાવતા લોકો ઉમેદવારી નોંધાવે છે. એને કારણે હેવીવેઇટ નેતાઓ ઘણી વાર પાતળા માર્જિનથી ચૂંટણી હારી જાય છે. આ મેટર સાંભળવાની ના પાડી દેતાં જસ્ટિસ બી. આર. ગવઈએ કહ્યું હતું કે જો માતા-પિતાએ રાજકીય નેતાઓ જેવાં, રાહુલ ગાંધી કે લાલુ યાદવ નામ આપ્યાં હોય તો તેમને ચૂંટણી લડતાં કેવી રીતે રોકી શકાય? કોર્ટે અરજદારને પિટિશન પાછી ખેંચી લેવા જણાવ્યું હતું.