રામાયણના સેટ પરથી લીક થયા ફોટો
રામાયણ
રણબીર કપૂરની આગામી ફિલ્મ ‘રામાયણ’નું શૂટિંગ શરૂ થઈ ગયું છે અને ગઈ કાલે એના સેટ પરના ફોટો સોશ્યલ મીડિયામાં વાઇરલ થયા છે. ફિલ્મમાં ભગવાન રામના રોલમાં રણબીર અને માતા સીતાના રોલમાં સાઈ પલ્લવી દેખાઈ રહ્યાં છે. ગયા વર્ષે ડિસેમ્બરમાં રિલીઝ થયેલી ‘ઍનિમલ’ બાદ ‘રામાયણ’ માટે ફરીથી શેપમાં આવવા માટે રણબીરે સખત એક્સરસાઇઝ અને વર્કઆઉટ શરૂ કર્યાં હતાં. રણબીર અને સઈ પહેલી વખત એકસાથે ફિલ્મમાં કામ કરી રહ્યાં છે. થોડા સમય પહેલાં ‘રામાયણ’માં દશરથ રાજાનો રોલ કરનાર અરુણ ગોવિલનો પણ ફોટો સેટ પરથી લીક થયો હતો. એવામાં હવે રણબીર અને સઈનો ફોટો લીક થતાં સેટ પર સખત નિયમોનું પાલન કરવામાં આવશે એવી શક્યતા વધી ગઈ છે.
