કામ પ્રત્યેની તેની ધગશ પ્રશંસનીય છે. જુનૈદ તેના ડૅડી આમિર ખાનનું નામ રોશન કરવાની સાથે ઇન્ડસ્ટ્રીમાં પોતાની એક અલગ ઓળખ બનાવવા માગે છે.
આમિર ખાનનો દીકરો જુનૈદ ખાન
આમિર ખાનનો દીકરો જુનૈદ ખાન બૉલીવુડમાં એન્ટ્રી કરવા માટે પૂરી રીતે તૈયાર થઈ ગયો છે. તેની પહેલી ફિલ્મ હજી સુધી રિલીઝ નથી થઈ, પરંતુ ત્રીજી ફિલ્મનું તે શૂટિંગ શરૂ કરવાનો છે. જુનૈદ આગામી ફિલ્મ ‘મહારાજ’માં દેખાવાનો છે. આ ફિલ્મ ૧૮૬૨માં મંદિરમાં ચાલતી અનીતિ અને ભક્તોની ધાર્મિક લાગણી સાથે છેતરપિંડી પર પ્રકાશ પાડશે. આ ફિલ્મ સિવાય જુનૈદે થોડા સમય પહેલાં જ સાઈ પલ્લવી સાથેની અનટાઇટલ્ડ ફિલ્મનું જપાનમાં શૂટિંગ પૂરું કર્યું છે. આ ફિલ્મમાં તે રોમૅન્ટિક રોલમાં દેખાવાનો છે. તેની બીજી ફિલ્મનું શૂટિંગ ૫૮ દિવસ ચાલ્યું હતું અને સમયની બરબાદી ન કરતાં જુનૈદે તેની ત્રીજી ફિલ્મની તૈયારી શરૂ કરી દીધી છે. કામ પ્રત્યેની તેની ધગશ પ્રશંસનીય છે. જુનૈદ તેના ડૅડી આમિર ખાનનું નામ રોશન કરવાની સાથે ઇન્ડસ્ટ્રીમાં પોતાની એક અલગ ઓળખ બનાવવા માગે છે.