આજે સવારે દાદરના કબૂતરખાનામાં વધી રહેલા તણાવ વચ્ચે જૈન સમુદાયનાં લોકો બીએમસી અધિકારીઓ સાથે અથડાયા હતા. પ્રદર્શનકારીઓએ બીએમસ દ્વારા કબૂતારોને ખોરાક આપવાની પ્રવૃત્તિને રોકવા માટે લગાવવામાં આવેલા પ્લાસ્ટિક કવરની તોડફોડ કરતા વિરોધ વધુ હિંસક બન્યો હતો.
વાયરલ થઈ રહેલી તસવીર (સૌજન્ય: X)
મુંબઈમાં કબૂતરોને અનાજ નાખવાના સ્થળોને બંધ કરવાને લઈને મુંબઈ મહાનગર પાલિકા અને અને જૈન સમુદાય વચ્ચે ભારે વિવાદ જોવા મળી રહ્યો છે. આ વિવાદ વચ્ચે સોશિયલ મીડિયા પર એક તસવીર વાયરલ થઈ રહી છે, જેમાં દાવો કરવામાં આવ્યો છે કે દાદરના કબૂતરખાના પાસે આવેલા જૈન મંદિરની બારીને જાળીથી ઢાંકવામાં આવી છે અને બીજી તરફ તેઓ કબૂતરખાનને બંધ થતાં અટકાવવા માટે માટે વિરોધ કરી રહ્યા છે. તસવીર વાયરલ થતાં ઘણા નેટીઝન્સે ધ્યાન દોર્યું હતું કે જ્યારે જૈન સમુદાય કબૂતરોનાં વિસ્તારોને સુરક્ષિત રાખવા માટે લડી રહ્યો છે, ત્યારે મંદિરમાં સલામતી જાળીઓ કબૂતરોને તેમના પરિસરમાં પ્રવેશતા અટકાવવા માટે બનાવવામાં આવી હોય તેવું લાગે છે. તેમના પર દંભી હોવાનો પણ આરોપ કરવામાં આવ્યો.
વાયરલ ફોટોને નેટીઝન્સ તરફથી પ્રતિક્રિયા મળી રહી છે
ADVERTISEMENT
આ ફોટો સોશિયલ મીડિયા પર વાયરલ થયો છે, જેમાં યુઝર્સ મંદિરના અધિકારીઓની ટીકા કરી રહ્યા છે જેને તેઓ સમુદાયના વલણમાં વિરોધાભાસ માને છે. ઘણા લોકોએ પ્રશ્ન કર્યો છે કે જાહેર સ્થળોએ કબૂતરોના આશ્રયસ્થાનોની હિમાયત કરતો એ જ સમુદાય પક્ષીઓને તેમના પોતાના ધાર્મિક પરિસરમાં પ્રવેશતા કેવી રીતે પ્રતિબંધિત કરી શકે છે.
દાદર ખાતે કબૂતરખાનામાં અંધાધૂંધી
Guess what Dadar`s Jain temple stands opposite Kabutarkhana. Nets are installed on the temple to keep pigeons out. ??? https://t.co/hZ8x0WparX pic.twitter.com/RrD4zLU08A
— Zoro (@wildcardgyan_) August 6, 2025
આજે સવારે દાદરના કબૂતરખાનામાં વધી રહેલા તણાવ વચ્ચે જૈન સમુદાયનાં લોકો બીએમસી અધિકારીઓ સાથે અથડાયા હતા. પ્રદર્શનકારીઓએ બીએમસ દ્વારા કબૂતારોને ખોરાક આપવાની પ્રવૃત્તિને રોકવા માટે લગાવવામાં આવેલા પ્લાસ્ટિક કવરની તોડફોડ કરતા વિરોધ વધુ હિંસક બન્યો હતો. ઘટનાસ્થળ પરથી જોવા મળેલા દ્રશ્યોમાં મહિલાઓ અને વૃદ્ધ સહિત સેંકડો પ્રદર્શનકારીઓએ બળજબરીથી કવર ફાડી નાખ્યું અને કબૂતરોને ખોરાક આપવાના વિસ્તારને ફરીથી ખોલતા દેખાયા હતા.
પરિસ્થિતિને નિયંત્રિત કરવા અને વધુ વણસતા અટકાવવા માટે ભારે પોલીસ દળ તહેનાત કરવામાં આવ્યું હતું. બીએમસીના બૅરિકેડ્સ હોવા છતાં, મુખ્ય પ્રધાન દેવેન્દ્ર ફડણવીસે આ મામલે હસ્તક્ષેપ કર્યાના એક દિવસ પછી, સવારે 10 વાગ્યાની આસપાસ કબૂતરખાનાને ખુલ્લુ મૂકવામાં આવ્યું હતું. મુખ્ય પ્રધાન ફડણવીસે કબૂતરખાનાઓને અચાનક બંધ કરવાના પ્રતિબંધ પર આંશિક પાછી ખેંચવાની જાહેરાત કરી હતી. મંગળવારે, સીએમ ફડણવીસે પ્રતિબંધને આંશિક પાછી ખેંચવાની જાહેરાત કરી હતી, જેમાં કહેવામાં આવ્યું હતું કે કબૂતરખાનાઓને અચાનક બંધ કરવાની ‘સલાહભર્યું નથી’. તેમણે બીએમસીને શહેરમાં નિયંત્રિત ખોરાક આપવાની મંજૂરી આપવા અને કબૂતરોના આશ્રયસ્થાનો માટે વૈકલ્પિક સ્થળો શોધવાનો નિર્દેશ આપ્યો હતો. જૈન સમુદાયના વધતા દબાણ અને મુંબઈના પાલક મંત્રી મંગલ પ્રભાત લોઢા સહિત ભાજપના નેતાઓ સાથે પરામર્શ બાદ તેમનું નિવેદન આવ્યું હતું.
કબૂતરોને ખોરાક આપવા પર બીએમસીનો કડક નિર્ણય શરૂઆતમાં જાહેર આરોગ્યની ચિંતાઓ પર આધારિત હતો, જેમાં વધુ પડતા ખોરાકને કારણે થતી ગંદકી અને શ્વસન રોગોની ફરિયાદોનો ઉલ્લેખ કરવામાં આવ્યો હતો. જોકે, આ પગલાથી ધાર્મિક જૂથો તરફથી પ્રતિક્રિયા આવી હતી જેઓ કબૂતરોને ખવડાવવાને પવિત્ર કાર્ય માને છે.
