પુણે બુક ફેસ્ટિવલમાં આદિવાસી શબ્દો લખેલાં ૧૬૭૮ પોસ્ટરો એકસાથે જાહેરમાં મૂકવામાં આવ્યાં, નવો વર્લ્ડ રેકૉર્ડ બન્યો
પોસ્ટરોના બૅકગ્રાઉન્ડમાં નવા વર્લ્ડ રેકૉર્ડની જાહેરાત કરતા ગિનેસના ઑફિસર.
ગઈ કાલે પુણેમાં ‘પોસ્ટરોના સૌથી મોટા પ્રદર્શન’ની કૅટેગરીમાં નવો વર્લ્ડ રેકૉર્ડ નોંધાયો હતો. આ રેકૉર્ડ કરીને ભારતે અમેરિકાને પાછળ છોડી દીધું છે. પુણેની ફર્ગ્યુસન કૉલેજમાં આયોજિત પુણે બુક ફેસ્ટિવલમાં આ સિદ્ધિ ભારતે મેળવી હતી. આદિવાસી શબ્દો લખેલાં ૧૬૭૮ પોસ્ટરો અહીં પ્રદર્શિત કરવામાં આવ્યાં હતાં, જેને ગિનેસ વર્લ્ડ રેકૉર્ડ્સ માં સ્થાન મળ્યું હતું. આ પહેલાં ચાલુ વર્ષના ફેબ્રુઆરીમાં અમેરિકામાં ૧૩૬૫ પોસ્ટરોનું પ્રદર્શન યોજાયું હતું જે વર્લ્ડ રેકૉર્ડ હતો.
ફેસ્ટિવલના આયોજકોએ જણાવ્યું હતું કે આ રેકોર્ડ સ્વતંત્રતાસેનાની ભગવાન બિરસા મુંડાને અંજલિ. નૅશનલ બુક ટ્રસ્ટ (NBT) દ્વારા આયોજિત પુણે બુક ફેસ્ટિવલ ૧૩થી ૨૧ ડિસેમ્બર સુધી યોજાઈ રહ્યો છે.
