અબ સીન પલટેગા

Published: 29th November, 2020 18:19 IST | Harsh Desai | Mumbai

બિગ બૉસની ૧૪મી સીઝનમાં હવે સ્પર્ધક તરીકે એક્સ-કન્ટેસ્ટન્ટને મોકલવામાં આવશે

વિકાસ ગુપ્તા, રાખી સાવંત
વિકાસ ગુપ્તા, રાખી સાવંત

બિગ બૉસ’ની ૧૪મી સીઝનમાં હવે સીન પલટવા જઈ રહ્યો છે એટલે કે આ શોમાં નવા સ્પર્ધક તરીકે જૂના કન્ટેસ્ટન્ટને મોકલવામાં આવશે. આ વિવાદાસ્પદ શો એના ઝઘડા અને ભાષાને કારણે ખૂબ જ ચર્ચામાં રહે છે. ૨૦૨૦ના એડિશનની ટૅગ લાઇન અબ સીન પલટેગા આપવામાં આવી છે અને એ એકદમ બરાબર આપવામાં આવી છે, કારણ કે આ શોના ઇતિહાસમાં પહેલી વાર જૂના સ્પર્ધકો કન્ટેસ્ટન્ટ તરીકે જઈ રહ્યા છે. અત્યાર સુધીમાં ઘણી વાર આવા સ્પર્ધકો શોમાં આવ્યા છે, પરંતુ તેઓ ક્યારેય ટ્રોફીના દાવેદાર નહોતા રહ્યા. અત્યારના સ્પર્ધકો જે પરિસ્થિતિમાં છે એમાંથી તેમને બહાર કાઢવા અને તેમની મુશ્કેલીઓમાં વધારો કરવા માટે હવે વિકાસ ગુપ્તા, રાખી સાવંત, મનુ પંજાબી, રાહુલ મહાજન, કાશ્મિરા શાહ અને અર્શી ખાન જઈ રહ્યાં છે.

આ શોમાં ગેમ કેવી રીતે રમવી એ રાહુલ મહાજન લોકોને દેખાડશે, પરંતુ આ ગેમનો રિયલ કિંગ કોણ છે એ માસ્ટરમાઇન્ડ વિકાસ ગુપ્તા પાસેથી જોવા મળશે. રાખી સાવંત આ શોમાં ૧૩ વર્ષ બાદ આવી રહી છે. તે ઓરિજિનલ રિયલિટી ક્વીન અને ડ્રામા ક્વીન છે. તેની તોલે કોઈ પહોંચી શકે એમ નથી, જ્યારે મનુ પંજાબી સામાન્ય વ્યક્તિઓનું ગૌરવ છે. સામાન્ય વ્યક્તિમાંથી તે એક સેલિબ્રિટી બન્યો હતો અને ઘરમાં હાજર તમામ સેલિબ્રિટીને તે ટક્કર આપતો જોવા મળશે. લોકોને ધોકો આપ્યા વગર ગેમ કેવી રીતે રમવી એ માટે કાશ્મિરા શાહ જાણીતી છે તેમ જ અર્શી ખાન લોકોમાં આગ લગાવવાનું કામ ફરી કરતી જોવા મળશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK