શોની સ્ટોરી એક મિડલ ક્લાસ વ્યક્તિની છે.
મનોજ બાજપાઈ
મનોજ બાજપાઈની ‘ધ ફૅમિલી મૅન’ની ત્રીજી સીઝનનું ગઈ કાલથી શૂટિંગ શરૂ થઈ ગયું છે. આ શો રાજ અને ડીકે બનાવી રહ્યા છે. ઍમેઝૉન પ્રાઇમ વિડિયો પર એ રિલીઝ થશે. શોની સ્ટોરી એક મિડલ ક્લાસ વ્યક્તિની છે. શ્રીકાંત તિવારીના રોલમાં મનોજ જોવા મળશે. વાઇફ સાથે સંબંધ સુધારવાની સાથે જ તેના પર દેશની રક્ષાની પણ જવાબદારી રહેશે. એ શોમાં શરદ કેળકર, શારીબ હાશમી, દલીપ તાહિલ, સની હિન્દુજા અને શ્રેયા ધન્વંતરિ પણ દેખાશે. સેટ પરનો ફોટો ઇન્સ્ટાગ્રામ પર શૅર કરીને મનોજ બાજપાઈએ કૅપ્શન આપી હતી, ‘શૂટ બિગિન્સ. ડ્રૉપ યૉર એક્સાઇટમેન્ટ.’
