બે દિવસ બાદ પર્થમાં ક્રાઉન ટાવર્સ નામની હોટેલમાં વિરાટ કોહલીની રૂમના ખૂણેખૂણાની ચીજોનો વિડિયો ઉતારીને ટિકટૉક પર અપલોડ કરવામાં આવ્યો
રાહુલ દ્રવિડ
ગયા મહિનાની શરૂઆતમાં ભારતીય ટીમ ટી૨૦ વર્લ્ડ કપ રમવા ઑસ્ટ્રેલિયા પહોંચી એના બે દિવસ બાદ પર્થમાં ક્રાઉન ટાવર્સ નામની હોટેલમાં વિરાટ કોહલીની રૂમના ખૂણેખૂણાની ચીજોનો વિડિયો ઉતારીને ટિકટૉક પર અપલોડ કરવામાં આવ્યો એ ચોંકાવનારી ઘટના વિશે ટીમ ઇન્ડિયાના હેડ-કોચ રાહુલ દ્રવિડે ગઈ કાલે બંગલાદેશ સામેની મૅચ પહેલાં પત્રકારો સાથેની વાતચીતમાં કહ્યું કે ‘આ ઘટના બધાને નિરાશ કરી મૂકનારી અને બીજા પ્લેયર્સને ચિંતિત કરાવનારી છે. હોટેલરૂમની પ્રાઇવસી જ છીનવાઈ જાય તો હવે શું કહેવું? હોટેલની રૂમ એવી જગ્યા હોય જ્યાં ખેલાડી પોતાને સૌથી સુરક્ષિત માનતો હોય છે, પરંતુ હવે એય સુરક્ષિત સ્થાન નથી રહ્યું. જોકે કોહલીએ આખી ઘટનાને બહુ સારી રીતે સંભાળી લીધી છે’
