આ લાખો રૂપિયાની કિંમતનો હાર ૫૦૦-૫૦૦ની અસલી નોટોથી તૈયાર કરવામાં આવ્યો હતો.
અજબ ગજબ
પ્રતીકાત્મક તસવીર
અમુક લગ્નપ્રસંગમાં વરને ચલણી નોટોની બનેલી માળા પહેરાવવાની પરંપરા છે. આ માળા ક્યારેક નકલી નોટોની બનેલી હોય છે જેની લંબાઈ સામાન્ય વરમાળા જેટલી જ હોય છે. જોકે ઇન્સ્ટાગ્રામ પર એક વિડિયોમાં વરના ગળામાં નોટોનો હાર અને તેની લંબાઈ જોઈને લોકોની આંખો પહોળી થઈ ગઈ છે. કોઈ ઝાલર જેવી લાગતી આ વરમાળા એટલી લાંબી હતી કે દુલ્હાને છત પર ચડાવવામાં આવ્યો હતો. માળાનો એક છેડો વરના ગળામાં અને બીજો છેક સામેના ઘરની ઉપર ઊભેલી વ્યક્તિના હાથમાં હતો. આ લાખો રૂપિયાની કિંમતનો હાર ૫૦૦-૫૦૦ની અસલી નોટોથી તૈયાર કરવામાં આવ્યો હતો. કોઈકે આ વિડિયો જોઈને કમેન્ટ કરી હતી કે આ માળા દહેજમાં માગેલા રૂપિયાથી બનેલી છે?