મુંબઈના રહાણેએ ભારતને બનાવ્યું અજિંક્ય : ભારતનો શ્રેણીવિજય
મુંબઈચા મુલગાએ ૯૧ રનથી ટીમને અજેય બનાવી રાખી : ભારત રૅન્કિંગ્સમાં ત્રીજે
આ મૅન ઑફ ધ મૅચ ૯ રન માટે પ્રથમ સદી ચૂક્યો હતો, પરંતુ ૨૯૯ રનનો ટાર્ગેટ મળ્યા પછી પાર્થિવ પટેલ (૩૮ રન) સાથેની તેની ૭૯ રનની તથા ગૌતમ ગંભીર (૫૮ રન) સાથેની ૧૧૧ રનની ભાગીદારી મૅચવિનિંગ નીવડી હતી. ભારત રૅન્કિંગ્સમાં ચોથા પરથી ત્રીજા નંબરે આવી ગયું છે.
ઇંગ્લૅન્ડે બૅટિંગ લઈને ૪ વિકેટે ૨૯૮ રન કર્યા હતા જેમાં જોનથન ટ્રૉટના ૯૮ રન, સમિત પટેલના બે સિક્સર સાથેના અણનમ ૭૦ રન અને કેવિન પીટરસનના ૬૪ રનનો સમાવેશ હતો. ભારતે ચાર બૉલ બાકી રાખીને પાંચ વિકેટે ૩૦૦ રનના સ્કોર સાથે શાનદાર જીત મેળવી હતી. મહેન્દ્ર સિંહ ધોની ૩૫ રને અને રવીન્દ્ર જાડેજા ૨૬ રને અણનમ રહ્યો હતો. છેલ્લા ૬ બૉલમાં ભારતે ૭ રન કરવાના હતા. ધોનીએ બ્રેસ્નનના પહેલા બન્ને બૉલમાં ફોર ફટકારીને જીત અપાવી હતી. સ્ટીવન ફિન અને બ્રેસ્નને બે-બે વિકેટ લીધી હતી.
ADVERTISEMENT
સતત હારી રહેલા ઇંગ્લૅન્ડના પ્લેયરો ગઈ કાલે મૅચ દરમ્યાન વારંવાર કારણ વગર ગુસ્સે થયેલા દેખાયા હતા. ભારત વન-ડેના રૅન્કિંગ્સમાં ગઈ કાલે ચોથા નંબર પરથી ત્રીજે આવી ગયું હતું.