તેની મમ્મીનું તાજેતરમાં મૃત્યુ થયું હતું અને તેણે અસ્થિને કારમાં મૂકી રાખ્યાં હતાં.
અજબ ગજબ
પ્રતીકાત્મક તસવીર
યુનાઇટેડ સ્ટેટ્સના ફ્લૉરિડામાં રહેતા એક માણસની કાર ચોરાઈ જતાં તે ભાંગી પડ્યો હતો. લૅરી કાર્ટર હાઇ-એન્ડ કાર હતી, જે તેના ઘરની બહારથી ઊપડી ગઈ હતી. જોકે લૅરીને લાખોની કિંમતની લક્ઝુરિયસ કાર ગુમાવવા કરતાં તેનાં મમ્મીનાં અસ્થિ ગુમાવવાનું દુઃખ વધારે હતું. તેની મમ્મીનું તાજેતરમાં મૃત્યુ થયું હતું અને તેણે અસ્થિને કારમાં મૂકી રાખ્યાં હતાં. જોકે કાર ચોરનારો દયાળુ નીકળ્યો અને તે અસ્થિ પાછાં મૂકી ગયો હતો. લૅરીને આ જોઈને આશ્ચર્ય અને એક રીતે રાહત થયાં હતાં. તેણે કહ્યું કે આ ચોર હૃદયનો સારો છે કે મારી મમ્મીનાં અસ્થિ પાછાં આપવા આવ્યો; મને કાર પણ મળી જાય એવી આશા છે, કેમ કે એ કાર પણ મારી મમ્મીને સમર્પિત હતી.