મહારાષ્ટ્રના મુખ્યમંત્રી દેવેન્દ્ર ફડણવીસે ત્ર્યંબકેશ્વરના કુશાવર્ત તીર્થ ખાતે ધ્વજારોહણ કર્યું. બન્ને સ્થળોએ યોજાયેલા કાર્યક્રમો દરમિયાન, રાષ્ટ્રપતિ મુર્મુ અને રાજ્યના મુખ્ય પ્રધાન ફડણવીસે ધાર્મિક વિધિઓમાં ભાગ લીધો હતો.
રાષ્ટ્રપતિ દ્રૌપદી મુર્મુએ નાશિકના રામકુંડ ખાતે ધાર્મિક ધ્વજ ફરકાવીને `નાશિક-ત્ર્યંબકેશ્વર સિંહસ્થ કુંભ મેળા`ના ઔપચારિક પ્રારંભની જાહેરાત કરી
મહારાષ્ટ્રના નાશિક અને ત્ર્યંબકેશ્વરમાં `સિંહસ્થ કુંભ મેળા ૨૦૨૬`ની તૈયારીઓ વચ્ચે, શનિવાર, ૩૧ ઑક્ટોબરના રોજ ધ્વજારોહણનો ધાર્મિક કાર્યક્રમ યોજાયો હતો. રાષ્ટ્રપતિ દ્રૌપદી મુર્મુએ નાશિકના રામકુંડ ખાતે ધાર્મિક ધ્વજ ફરકાવીને `નાશિક-ત્ર્યંબકેશ્વર સિંહસ્થ કુંભ મેળા`ના ઔપચારિક પ્રારંભની જાહેરાત કરી. આ દરમિયાન, મહારાષ્ટ્રના મુખ્યમંત્રી દેવેન્દ્ર ફડણવીસે ત્ર્યંબકેશ્વરના કુશાવર્ત તીર્થ ખાતે ધ્વજારોહણ કર્યું. બન્ને સ્થળોએ યોજાયેલા કાર્યક્રમો દરમિયાન, રાષ્ટ્રપતિ મુર્મુ અને રાજ્યના મુખ્ય પ્રધાન ફડણવીસે ધાર્મિક વિધિઓમાં ભાગ લીધો હતો. આ પ્રસંગના વીડિયો અને તસવીરો સોશિયલ મીડિયા પર પોસ્ટ કરવામાં આવી રહી છે.
VIDEO | Nashik, Maharashtra: President Droupadi Murmu visits Trimbakeshwar to preside over the Dhwajarohan ceremony at Shri Ramkund along the Godavari Ghats, marking the formal launch of the Simhastha Kumbh period. #SimhasthaKumbhMela #PresidentDroupadiMurmu #Nashik (Full video available on PTI Videos - https://t.co/bIyFWTfmBd)
— Press Trust of India (@PTI_News) October 31, 2026
ADVERTISEMENT
રાષ્ટ્રપતિ દ્રૌપદી મુર્મુએ રામકુંડ ખાતે પૂજા કરી
રાષ્ટ્રપતિ દ્રૌપદી મુર્મુએ નાશિકમાં ગોદાવરી ઘાટ પર આવેલા શ્રી રામકુંડ ખાતે ધ્વજારોહણ સમારોહમાં ભાગ લીધો હતો. પોસ્ટ કરવામાં આવેલા વીડિયોમાં રાષ્ટ્રપતિ ધાર્મિક વિધિઓ કરતા જોવા મળે છે. પરંપરાગત રીત-રિવાજો મુજબ યોજાયેલા આ સમારોહમાં સંતો, આધ્યાત્મિક ગુરુઓ, ધાર્મિક પ્રતિનિધિઓ અને રાજકીય હસ્તીઓ ઉપસ્થિત રહ્યા હતા. આ ઉપરાંત હજારો શ્રદ્ધાળુઓ પણ ત્યાં હાજર હતા. રામકુંડ અને ગોદાવરી ઘાટ પર વિશેષ સજાવટ કરવામાં આવી હતી.
VIDEO | Nashik, Maharashtra: President Droupadi Murmu visits Trimbakeshwar to preside over the Dhwajarohan ceremony at Shri Ramkund along the Godavari Ghats, marking the formal launch of the Simhastha Kumbh period. #SimhasthaKumbhMela #PresidentDroupadiMurmu #Nashik (Full video available on PTI Videos - https://t.co/bIyFWTfmBd)
— Press Trust of India (@PTI_News) October 31, 2026
મુખ્ય પ્રધાન દેવેન્દ્ર ફડણવીસે કુશાવર્ત તીર્થ ખાતે ધ્વજ ફરકાવ્યો
બીજી તરફ, મુખ્ય પ્રધાન દેવેન્દ્ર ફડણવીસે ત્ર્યંબકેશ્વરના કુશાવર્ત તીર્થ ખાતે ધ્વજારોહણ કાર્યક્રમમાં ભાગ લીધો અને ત્યાં પૂજા કરી. આ પ્રસંગે શૃંગેરી શારદા પીઠના જગદગુરુ શ્રી શ્રી ભારતી તીર્થ મહાસ્વામીજી પણ ઉપસ્થિત હતા. કુશાવર્ત તીર્થ ખાતે મોટી સંખ્યામાં શ્રદ્ધાળુઓ અને ધાર્મિક પ્રતિનિધિઓ હાજર રહ્યા હતા. વિધાનસભાના અનેક સભ્યો (ધારાસભ્યો) અને રાજકીય નેતાઓ પણ આ કાર્યક્રમમાં હાજર રહ્યા હતા.
કાર્યક્રમ માટે વિશેષ સુરક્ષા અને ટ્રાફિક વ્યવસ્થા
Nashik, Maharashtra: Chief Minister Devendra Fadnavis attends the Simhastha Kumbh Mela flag-hoisting ceremony and offers prayers in the presence of Jagadguru Sri Sri Bharati Tirtha Mahaswamiji of Sringeri Sharada Peeth. Saints, spiritual leaders and religious heads from various akharas are also present at the ceremony.
— IANS (@ians_india) October 31, 2026
રાષ્ટ્રપતિની મુલાકાત અને બન્ને ધાર્મિક સ્થળોએ મોટી સંખ્યામાં શ્રદ્ધાળુઓની હાજરીને ધ્યાનમાં રાખીને, પ્રશાસને સુરક્ષા વ્યવસ્થા વધુ સઘન બનાવી હતી. નાશિક અને ત્ર્યંબકેશ્વરમાં પોલીસ તથા અન્ય વહીવટી વિભાગોએ સાથે મળીને આ વ્યવસ્થાઓ અમલમાં મૂકી છે. શ્રદ્ધાળુઓનું આવાગમન સુવ્યવસ્થિત રહે તે સુનિશ્ચિત કરવા માટે ટ્રાફિક વ્યવસ્થાપન, ભીડ નિયંત્રણ અને સ્વચ્છતા પર વિશેષ ધ્યાન આપવામાં આવ્યું હતું. ધાર્મિક સ્થળોની આસપાસ પોલીસ બંદોબસ્તમાં પણ વધારો કરવામાં આવ્યો હતો. ભારતીય ધાર્મિક અને સાંસ્કૃતિક પરંપરાઓમાં નાશિક અને ત્ર્યંબકેશ્વરનું વિશેષ મહત્વ છે. આ બન્ને સ્થળો સિંહસ્થ કુંભ મેળા સાથે સંકળાયેલા છે. રામકુંડ અને કુશાવર્ત તીર્થ ખાતે ધ્વજારોહણ વિધિ સાથે, ૨૦૨૬ના નાશિક-ત્ર્યંબકેશ્વર સિંહસ્થ કુંભ મેળાનો સત્તાવાર પ્રારંભ થયો છે.
સિંહસ્થ કુંભમેળા માટે શંખનાદ નાશિકમાં થયો વર્લ્ડ રેકૉર્ડ
VIDEO | Nashik, Maharashtra: President Droupadi Murmu participates in rituals during Dhwajarohan ceremony at Shri Ramkund along the Godavari Ghats, marking the formal launch of the Simhastha Kumbh period. #Nashik #SimhasthaKumbh (Full video available on PTI Videos - https://t.co/bIyFWTeOLF)
— Press Trust of India (@PTI_News) October 31, 2026
શરદ પૂર્ણિમાની સાંજે નાશિકમાં સામૂહિક શંખનાદનું આયોજન કરવામાં આવ્યું હતું. ગોદાવરી નદીના કાંઠે યોજાયેલા શંખનાદના આ કાર્યક્રમમાં ૫૦૧ લોકોએ ભાગ લીધો હતો અને એકસાથે શંખનાદ કરીને અમેરિકાનો એકસાથે ૩૦૩ લોકોએ શંખનાદ કર્યાનો ગિનેસ વર્લ્ડ રેકૉર્ડ્સમાં નોંધાયેલો રેકૉર્ડ તોડ્યો હતો. જોકે ભક્તિ અને દેશભક્તિનો અનોખો સંગમ ત્યારે જોવા મળ્યો જ્યારે ગિનેસ બુકના પ્રતિનિધિ હૃષીકેશ નાગે સૌથી વધુ લોકો સાથેના સામૂહિક શંખનાદનો રેકૉર્ડ ભારતના નામે કર્યો. આ ઘોષણા સાથે જ ગોદાવરીનો પાવન કાંઠો ભારત માતા કી જયના નારા સાથે ગૂંજી ઊઠ્યો હતો.
