શક્તિનો લક્ષ કરશે ગંદી બાત
લક્ષ હાન્ડા
પૉપ્યુલર ટીવી-સીરિયલ ‘શક્તિ - અસ્તિત્વ કે અહેસાસ કી’માં લીડ કૅરૅક્ટર કરનારો લક્ષ હાન્ડા હવે એકતા કપૂરની વેબ-સિરીઝ ‘ગંદી બાત’ની પાંચમી સીઝનમાં જોવા મળવાનો છે. કુલ ચાર સ્ટોરીની આ પાંચમી સીઝન રાબેતા મુજબ જ સેક્સ પર આધારિત છે અને બોલ્ડ સ્ટોરી એમાં લેવામાં આવી છે. આ જ વાતનું લક્ષને ટેન્શન પણ છે. લક્ષ કહે છે, ‘બહુ મોટી અને પૉપ્યુલર ફ્રૅન્ચાઇઝી ‘ગંદી બાત’માં કામ કરવું એ પ્રિવિલેજ છે, પણ ઑડિયન્સ એને કેવી રીતે લેશે એ વાતનું ટેન્શન પણ મનમાં છે. ‘ગંદી બાત’માં હું મદનનું કૅરૅક્ટર કરું છું, મારા પર જ એ આખી સ્ટોરી છે. સ્ટોરીનું ટાઇટલ ‘મદહોશ મદન’ છે. હું એવું એક કૅરૅક્ટર કરું છું જે આજ સુધી મેં ક્યારેય કર્યું નથી.’
ઇન્ડિયન ડિજિટલ પ્લૅટફૉર્મ પર અત્યાર સુધી સૌથી વધારે સીઝન આવી હોય એવી કોઈ વેબ-સસિરીઝ હોય તો એ ‘ગંદી બાત’ છે. એકતા કપૂરની આ પૉપ્યુલર વેબ-સિરીઝની પાંચમી સીઝન ૮ ઑક્ટોબરે રિલીઝ થશે.