આ સમગ્ર મામલો ઉર્વશી રાઉતેલાની તસવીરો અને વિડિયોનો તેની પરવાનગી વિના ઉપયોગ કરવા સાથે જોડાયેલો છે
ઉર્વશી રાઉતેલા
ઉર્વશી રાઉતેલા પોતાની ઍક્ટિંગ કરતાં વધુ પોતાની ફૅશન-સેન્સને લઈને ચર્ચામાં રહે છે. ફૅશન-આઇકન તરીકે જાણીતી ઉર્વશી રાઉતેલાની ચર્ચા હવે અમેરિકામાં પણ થઈ રહી છે. હાલમાં તેની ટીમે અમેરિકાના લૉસ ઍન્જલસસ્થિત એક આર્ટિફિશ્યલ ઇન્ટેલિજન્સ (AI) કંપની સામે કાનૂની કાર્યવાહી કરી છે અને ૭ હજાર કરોડ રૂપિયાના વળતરની માગણી કરી છે.
આ સમગ્ર મામલો ઉર્વશી રાઉતેલાની તસવીરો અને વિડિયોનો તેની પરવાનગી વિના ઉપયોગ કરવા સાથે જોડાયેલો છે. ઉર્વશીની ટીમનો આરોપ છે કે અમેરિકાની એક AI કંપનીએ અભિનેત્રીની તસવીરોનો પોતાના ફાયદા માટે ઉપયોગ કર્યો હતો અને નોંધપાત્ર કમાણી પણ કરી હતી.
ADVERTISEMENT
ઉર્વશીની ટીમે અમેરિકાની કંપની સામે કાનૂની કાર્યવાહી કરીને વળતરની માગણી કરવા ઉપરાંત કંપનીને સલાહ પણ આપી છે અને કહ્યું છે કે કંપનીએ પોતાની બ્રૅન્ડ અને એજન્સી બનાવવી જોઈએ અને ઉર્વશીનાં નામ, તસવીરો તથા વિડિયોનો પરવાનગી વિના ઉપયોગ કરવાથી બચવું જોઈએ.
