તાહિરાએ એક નાનકડો વિડિયો શૅર કર્યો છે
વિડિયોમાંથી લીધેલો સ્ક્રીનશૉટ
તાહિરા કશ્યપે તેના પેટ પીનટની ઓળખાણ અલગ રીતે કરાવી છે. તાહિરાએ એક નાનકડો વિડિયો શૅર કર્યો છે. એ વિડિયોમાં તાહિરાનાં બન્ને બાળકો વરુશ્કા અને વિરાજવીરના હાથમાં પાણીના પાઇપ છે. એ પાઇપ સાથે પીનટ મસ્તી કરી રહ્યો છે. થોડી વાર બાદ વિરાજવીર બૅડ્મિન્ટન રમે છે. એમાં પણ જ્યારે શટલકૉક નીચે પડી જાય છે તો પીનટ દોડીને શટલકૉક લઈ લે છે. આવી રીતે આ વિડિયોમાં પીનટની મસ્તી દેખાઈ રહી છે. એ નાનકડી વિડિયો-ક્લિપને ઇન્સ્ટાગ્રામ પર શૅર કરીને તાહિરાએ કૅપ્શન આપી હતી કે ‘મળો પીનટને - તે કબૂતરને નફરત કરે છે, ટિશ્યુ રોલનું નુકસાન કરે છે, મોજાં ચોરે છે, પાણીના પાઇપથી રમે છે અને શટલકૉક ચોરે છે.’
