બૉલીવુડની ક્વીનનાં વળતાં પાણી

કંગના રનૌતની છેલ્લી ૮ ફિલ્મો નિષ્ફળ જતાં તેની કરીઅર પર પ્રશ્નાર્થચિહ્‌ન લાગી ગયું છે

કંગના રનૌત

કંગના રનૌતને ઘણી વાર ‘બૉલીવુડની ક્વીન’ તરીકે ઓળખવામાં આવે છે. તેને આ બિરુદ ૨૦૧૩માં આવેલી સુપરહિટ ફિલ્મ ‘ક્વીન’માં તેણે ભજવેલા રાની મેહરાના યાદગાર પાત્ર પછી મળ્યું છે. કંગનાને આ ફિલ્મમાં તેના શાનદાર અભિનય બદલ રાષ્ટ્રીય પુરસ્કાર પણ મળ્યો હતો. જોકે છેલ્લા કેટલાક સમયથી કંગના સતત નિષ્ફળતાનો સામનો કરી રહી છે. તેની કરીઅરની છેલ્લી ૮ ફિલ્મો સતત નિષ્ફળ જતાં તેની કરીઅર પર પ્રશ્નાર્થચિહ્‌ન લાગી ગયું છે. 

ભારત ભાગ્ય વિધાતા (૨૦૨૬)

ADVERTISEMENT

આ એક થ્રિલર ફિલ્મ છે જે ૨૦૦૮ના ૨૬/૧૧ મુંબઈ આતંકવાદી હુમલાની સાચી ઘટનાઓ પર આધારિત છે. ફિલ્મ કામા હૉસ્પિટલના એવાં ડૉક્ટરો, નર્સો અને હૉસ્પિટલ સ્ટાફની બહાદુરીને દર્શાવે છે જેમણે મુશ્કેલ સમયમાં દરદીઓના જીવ બચાવ્યા હતા.
બજેટ : અંદાજે ૪૫-૬૦ કરોડ રૂપિયા 
બૉક્સ-ઑફિસ કલેક્શન : અંદાજે ૮.૦૫ કરોડ રૂપિયા
પરિણામ : સુપરફ્લૉપ 

તેજસ (૨૦૨૩)

આ એક એરિયલ ઍક્શન થ્રિલર ફિલ્મ છે જે ભારતીય વાયુસેનાની પાઇલટ તેજસ ગિલના સંઘર્ષ અને મિશનની આસપાસ ફરે છે.
બજેટ : અંદાજે ૭૦ કરોડ રૂપિયા
બૉક્સ-ઑફિસ કલેક્શન : અંદાજે ૫.૬ કરોડ રૂપિયા
પરિણામ: સુપરફ્લૉપ

ધાકડ (૨૦૨૨)

આ એક સ્પાય ઍક્શન ફિલ્મ છે જેમાં કંગનાએ ‘એજન્ટ અગ્નિ’ બનીને 
માનવ-તસ્કરીના નેટવર્ક સામે લડત આપી હતી.
બજેટ : અંદાજે ૮૫ કરોડ રૂપિયા
બૉક્સ-ઑફિસ કલેક્શન : અંદાજે ૩.૭૭ કરોડ રૂપિયા
પરિણામ : સુપરફ્લૉપ

થલાઇવી (૨૦૨૧)

આ તામિલનાડુનાં ભૂતપૂર્વ મુખ્ય પ્રધાન અને અભિનેત્રી જે. જયલલિતાના જીવન પર આધારિત બાયોપિક ફિલ્મ હતી. આ ફિલ્મ હિન્દી અને તામિલ બન્ને ભાષામાં રિલીઝ થઈ હતી.
બજેટ : અંદાજે ૯૩-૧૦૦ કરોડ રૂપિયા
બૉક્સ-ઑફિસ કલેક્શન : અંદાજે ૪.૯૭ કરોડ રૂપિયા
પરિણામ : સુપરફ્લૉપ

ઇમર્જન્સી (૨૦૨૫)

ભારતમાં ૧૯૭૫માં લાદવામાં આવેલી કટોકટી પર આધારિત ઐતિહાસિક ફિલ્મ છે. આ ફિલ્મનું ડિરેક્શન કંગનાએ પોતે કર્યું છે અને તેમાં તેણે ભૂતપૂર્વ વડાં પ્રધાન ઇન્દિરા ગાંધીની ભૂમિકા ભજવી છે.
બજેટ : અંદાજે ૬૦ કરોડ રૂપિયા
બૉક્સ-ઑફિસ કલેક્શન : અંદાજે ૨૧.૭૫ કરોડ રૂપિયા
પરિણામ : ફ્લૉપ

ચંદ્રમુખી 2 (૨૦૨૩)

આ એક તામિલ હૉરર-કૉમેડી ફિલ્મ છે જે પ્રખ્યાત ફિલ્મ ‘ચંદ્રમુખી’ની સીક્વલ છે.
બજેટ : અંદાજે ૬૦-૬૫ કરોડ રૂપિયા
બૉક્સ-ઑફિસ કલેક્શન : ૪૦ કરોડ રૂપિયા
પરિણામ : ફ્લૉપ

જજમેન્ટલ હૈ ક્યા (૨૦૨૧)

આ રાજકુમાર રાવ અને કંગના રનૌત સ્ટારર સાયકોલૉજિકલ બ્લૅક કૉમેડી-થ્રિલર ફિલ્મ છે જેમાં બે વિચિત્ર શંકાસ્પદ પાત્રોની આસપાસ મર્ડર-મિસ્ટરી વણાયેલી છે.
બજેટ : અંદાજે ૩૨ કરોડ રૂપિયા
બૉક્સ-ઑફિસ કલેક્શન : અંદાજે ૪૪.૯૨ કરોડ રૂપિયા
પરિણામ : ઍવરેજ

પંગા (૨૦૨૦)

આ એક સ્પોર્ટ્‌સ ડ્રામા ફિલ્મ છે જેમાં એક પરિણીત મહિલા અને ભૂતપૂર્વ કબડ્ડી ચૅમ્પિયનના કમબૅકની પ્રેરણાદાયી વાર્તા દર્શાવવામાં આવી છે.
બજેટ : અંદાજે ૪૫ કરોડ રૂપિયા
બૉક્સ-ઑફિસ કલેક્શન : અંદાજે ૪૧.૭૧ કરોડ રૂપિયા
પરિણામ : ફ્લૉપ