અક્ષય કુમાર અને સૈફ અલી ખાનની ‘હૈવાન’ને CBFC તરફથી U/A 16+ સર્ટિફિકેટ મળ્યું છે. ૧૧ સપ્ટેમ્બરે રિલીઝ થનારી આ ફિલ્મનો રનટાઇમ ૧૬૪ મિનિટ છે અને બન્ને કલાકારો ૧૮ વર્ષ બાદ સાથે જોવા મળશે.
હૈવાન
અક્ષય કુમાર અને સૈફ અલી ખાનને લીડ રોલમાં ચમકાવતી થ્રિલર ફિલ્મ ‘હૈવાન’ ૧૧ સપ્ટેમ્બરે રિલીઝ થવાની છે. ફિલ્મને સેન્ટ્રલ બોર્ડ ઑફ ફિલ્મ સર્ટિફિકેશન (CBFC) તરફથી U/A 16+ સર્ટિફિકેટ મળી ગયું છે. U/A 16+ સર્ટિફિકેટ ધરાવતી ફિલ્મ તમામ ઉંમરના દર્શકો જોઈ શકે છે, પરંતુ ૧૬ વર્ષથી ઓછી ઉંમરના દર્શકોને માતા-પિતાના માર્ગદર્શન હેઠળ ફિલ્મ જોવાની સલાહ આપવામાં આવે છે. ફિલ્મનો રનટાઇમ ૧૬૪ મિનિટનો છે. ડિરેક્ટર પ્રિયદર્શનની આ ફિલ્મમાં અક્ષય કુમાર અને સૈફ અલી ખાનની સુપરહિટ જોડી લગભગ ૧૮ વર્ષ બાદ મોટા પડદા પર જોવા મળશે. ફિલ્મમાં અક્ષય કુમાર નેગેટિવ ભૂમિકામાં છે, જ્યારે સૈફ અલી ખાન દૃષ્ટિહીન વ્યક્તિનું પાત્ર ભજવી રહ્યો છે. આ ઉપરાંત બમન ઈરાની, શારિબ હાશ્મી અને સૈયામી ખેર પણ મહત્ત્વની ભૂમિકામાં જોવા મળશે.
