ઑસ્ટ્રેલિયન ઓપનમાં નડાલ ચોથા રાઉન્ડમાં
ઑસ્ટ્રેલિયન ઓપનમાં સ્પેનના દિગ્ગજ ટેનિસ પ્લેયર રાફેલ નડાલે પોતાની આગેકૂચ યથાવત્ રાખી ટુર્નામેન્ટના ચોથા રાઉન્ડમાં પ્રવેશ કર્યો છે. તે કમરના દુખાવા સાથે મેદાનમાં રમવા ઊતર્યો હતો અને કૅમેરોન નુરીને ૭-૫, ૬-૨, ૭-૫થી હરાવવામાં સફળ રહ્યો હતો. ચોથા રાઉન્ડમાં હવે તેનો મુકાબલો અનુભવી ફૅબિયો ફોગનિની સાથે થશે.
જ્યારે રોહન બોપન્ના મિક્સ ડબલ્સમાં પણ ગઈ કાલે પહેલા રાઉન્ડમાં હારીને બહાર થઈ જતાં ટુર્નામેન્ટમાં ભારતીય પડકારનો અંત આવી ગયો હતો.
