Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > બૅક ઇન્જરીએ બુમરાહનું કમબૅક મુશ્કેલ બનાવ્યું

બૅક ઇન્જરીએ બુમરાહનું કમબૅક મુશ્કેલ બનાવ્યું

01 March, 2023 11:11 AM IST | Mumbai
Gujarati Mid-day Correspondent | feedbackgmd@mid-day.com

સર્જરીની જરૂર : હજી કદાચ ૬ મહિના નહીં રમે : મુંબઈ ઇન્ડિયન્સમાં તેની ગેરહાજરીમાં અર્જુન તેન્ડુલકરને રમવાનો મોકો મળી શકે

ફાઇલ તસવીર

ફાઇલ તસવીર


ભારતના ટોચના ફાસ્ટ બોલર અને મુંબઈ ઇન્ડિયન્સના વિકેટ-ટેકિંગ બોલર જસપ્રીત બુમરાહને પીઠની ઈજા (બૅક ઇન્જરી) હજી સતાવી રહી છે એને કારણે ૩૧ માર્ચે શરૂ થતી આઇપીએલ તેણે ગુમાવવી પડે એવી સ્થિતિ સર્જાઈ છે. પીઠના દુખાવાને કારણે તે ગયા વર્ષે ટી૨૦ વર્લ્ડ કપ નહોતો રમી શક્યો. હવે તે જૂનમાં રમાનારી ટેસ્ટના વર્લ્ડ કપની ફાઇનલ (એમાં ભારતનો પ્રવેશ લગભગ નક્કી છે) પણ ગુમાવે એવી હાલત છે. તે હજી ૬ મહિના નહીં રમી શકે.

બીસીસીઆઇના મેડિકલ સ્ટાફે બુમરાહને પીઠના નીચલા ભાગની ઈજામાંથી સંપૂર્ણપણે મુક્ત થવા સર્જરી કરાવવાનો વિકલ્પ આપ્યો છે. ઑક્ટોબરમાં વન-ડે વર્લ્ડ કપ ભારતમાં રમાવાનો છે અને એમાં ટીમને બુમરાહની ખાસ જરૂર પડશે એટલે તેના વિશેનો સારવારને લગતો નિર્ણય બીસીસીઆઇનો તબીબી સ્ટાફ અને બૅન્ગલોરની એનસીએનો સ્ટાફ ભેગા મળીને લેશે.
માર્ચની આખર તારીખે શરૂ થનારી આઇપીએલમાં બુમરાહ નહીં રમી શકે તો મુંબઈ ઇન્ડિયન્સની ટીમમાં બીજા ત્રણ પેસ બોલર્સમાંથી કોઈ એકને રમવાની તક મળી શકે. એમાં લેફ્ટ-આર્મ ફાસ્ટ બોલર અર્જુન તેન્ડુલકર તથા અર્શદ ખાન અને રાઇટ-આર્મ પેસ બોલર આકાશ મઢવાલનો સમાવેશ છે.


Whatsapp-channel Whatsapp-channel

01 March, 2023 11:11 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK