સેન્ચુરીના રેકૉર્ડની બરાબરી થઈ મુંબઈ-હૈદરાબાદની મૅચમાં

સૂર્યકુમાર યાદવની આ બીજી IPL સેન્ચુરી હતી. તેણે મુંબઈ માટે સૌથી વધુ બે સેન્ચુરી ફટકારવાના રોહિત શર્માના રેકૉર્ડની પણ બરાબરી કરી છે. 

સૂર્યકુમાર યાદવની તસવીર

આજની મૅચ : સનરાઇઝર્સ હૈદરાબાદ v/s લખનઉ સુપર જાયન્ટ્સ, સાંજે ૭.૩૦ વાગ્યે,  હૈદરાબાદ
આવતી કાલની મૅચ : પંજાબ કિંગ્સ v/s રૉયલ ચૅલેન્જર્સ બેન્ગલુરુ, સાંજે ૭.૩૦ વાગ્યે,  ધરમશાલા

મુંબઈના વાનખેડે સ્ટેડિયમમાં રમાયેલી ઇન્ડિયન પ્રીમિયર લીગ (IPL) 2024ની પંચાવનમી મૅચમાં સનરાઇઝર્સ હૈદરાબાદને ૭ વિકેટે હરાવીને મુંબઈ ઇન્ડિયન્સે પ્લેઑફના સમીકરણને રસપ્રદ બનાવ્યું હતું. હૈદરાબાદે ટ્રૅવિસ હેડની ૪૮ રન અને પૅટ કમિન્સની ૩૫ રનની ઇનિંગ્સની મદદથી ૮ વિકેટે ૧૭૩ રન કર્યા હતા. રન ચેઝ કરવા ઊતરેલી પૉઇન્ટ્સ-ટેબલ પરની તળિયાની ટીમ મુંબઈએ ૧૭.૨ ઓવરમાં ૩ વિકેટે ટાર્ગેટ ચેઝ કરી લીધો હતો. ૨૦૦ના સ્ટ્રાઇક-રેટથી બૅટિંગ કરીને મુંબઈના સૂર્યકુમાર યાદવે ૧૨ ચોગ્ગા અને ૬ છગ્ગાની મદદથી ૫૧ બૉલમાં ૧૦૨ રન કર્યા હતા. IPL 2024ની આ ૧૨મી સેન્ચુરી હતી. આ સાથે જ આ સીઝને ૨૦૨૩ની સીઝનના રેકૉર્ડની બરાબરી કરી છે. વધુ સેન્ચુરી થશે તો આ સીઝનમાં  IPL ઇતિહાસની સૌથી વધુ સેન્ચુરીવાળી સીઝન બની રહેશે. સૂર્યકુમાર યાદવની આ બીજી IPL સેન્ચુરી હતી. તેણે મુંબઈ માટે સૌથી વધુ બે સેન્ચુરી ફટકારવાના રોહિત શર્માના રેકૉર્ડની પણ બરાબરી કરી છે.