દંપતીએ સ્થાનિક ઑથોરિટીને જાણ કર્યા બાદ સફાઈ અને ઓળખ માટે સિક્કા બ્રિટિશ મ્યુઝિયમમાં મોકલવામાં આવ્યા હતા
કોઈન
જૂના જમાનામાં લોકો સોના-ચાંદી કે કીમતી સિક્કા જમીનમાં દાટી દેતા હતા એવી વાતો ઘણાએ સાંભળી હશે, પણ બ્રિટનના એક કપલના ઘરમાંથી ખરેખર આવા સિક્કા મળી આવ્યા હતા. બ્રિટનના ડોરસેટ શહેરમાં રૉબર્ટ ફૉક્સ અને તેની પત્ની બેટ્ટી ઘરનું જૂનું કિચન નાનું પડતું હોવાથી તોડીને નવું બનાવી રહ્યાં હતાં. આ માટે ખોદકામ કરતી વખતે સોના-ચાંદીના એક હજાર જેટલા સિક્કા મળી આવ્યા હતા. એ પછી દંપતીએ સ્થાનિક ઑથોરિટીને જાણ કર્યા બાદ સફાઈ અને ઓળખ માટે સિક્કા બ્રિટિશ મ્યુઝિયમમાં મોકલવામાં આવ્યા હતા. બ્રિટિશ મ્યુઝિયમના જણાવ્યા પ્રમાણે ૪૦૦ વર્ષ જૂના આ સિક્કાનું હાલનું મૂલ્ય અંદાજે ૩૫ લાખ રૂપિયા થાય છે. આ સિક્કા ૧૭મી સદીમાં થઈ ગયેલા બ્રિટિશ રાજા જેમ્સ પ્રથમ અને ચાર્લ્સ પ્રથમના વખતના હોવાનું પણ જાણવા મળ્યું હતું. હવે આ સિક્કાનું ઑક્શન કરવામાં આવશે જેમાંથી અમુક રકમ રૉબર્ટ અને બેટ્ટીને પણ મળશે.
