ચૂંટણી પંચ દ્વારા લેવામાં આવેલા નિર્ણય પ્રમાણે મતદાતા તસવીર ઓળખપત્ર ન હોવા છતાં મતદાતા પોતાના અધિકારોનો ઉપયોગ કરી શકશે. આગામી 20 મેના મુંબઈમાં લોકસભા ચૂંટણી માટે વોટિંગ થશે. આમાં મતદાતાઓને 12 પ્રકારના ઓળખપત્રને પ્રમાણ તરીકે સ્વીકાર કર્યો છે.
મતદાન માટે વાપરવામાં આવેલી પ્રતીકાત્મક તસવીર
Lok Sabha Election 2024: ચૂંટણી પંચ દ્વારા લેવામાં આવેલા નિર્ણય પ્રમાણે મતદાતા તસવીર ઓળખપત્ર ન હોવા છતાં મતદાતા પોતાના અધિકારોનો ઉપયોગ કરી શકશે. આગામી 20 મેના મુંબઈમાં લોકસભા ચૂંટણી માટે વોટિંગ થશે. આમાં મતદાતાઓને 12 પ્રકારના ઓળખપત્રને પ્રમાણ તરીકે સ્વીકાર કર્યો છે. મતદાતા આમાંથી કોઈપણ એક આઈડી બતાવીને મતદાન કરી શકે છે. મુંબઈ શહેર કલેક્ટર અને ચૂંટણી નિર્વાચન અધિકારી સંજય યાદવે માહિતી આપી.
Lok Sabha Election 2024: મતદાન મથકની વિગતો ધરાવતી મતદાર સ્લિપ, ભાગ નંબરની યાદી, મતદાનની તારીખ, સમય વગેરે. ચૂંટણી કાર્યાલય દ્વારા તમામ નોંધાયેલા મતદારોમાં તેનું વિતરણ કરવામાં આવી રહ્યું છે. મુંબઈ શહેર જિલ્લામાં 373 બિનનિવાસી ભારતીય (એનઆરઆઈ) મતદારો છે. તેમના નામ મતદાર યાદીમાં છે. પરંતુ મત આપવા માટે, તેઓએ તેમનો મૂળ પાસપોર્ટ બતાવવો પડશે.
ADVERTISEMENT
જે મતદારો પાસે ફોટોગ્રાફિક મતદાર ઓળખપત્ર હશે તેઓ મતદાન મથક પર તેમની ઓળખ ચકાસવા માટે મતદાર ઓળખપત્ર રજૂ કરશે. જેમની પાસે તે નથી તેમણે ઓળખ માટે ચૂંટણી પંચ દ્વારા નિર્ધારિત 12 પુરાવાઓમાંથી કોઈપણ એક બતાવવો પડશે. આમાં પાસપોર્ટ, ડ્રાઇવિંગ લાઇસન્સ, કેન્દ્ર/રાજ્ય સરકાર/જાહેર ક્ષેત્રના ઉપક્રમો/પબ્લિક લિમિટેડ કંપનીઓ દ્વારા કર્મચારીઓને આપવામાં આવેલા સેવા ઓળખપત્રો, બેંક/પોસ્ટ ઓફિસ દ્વારા જારી કરવામાં આવેલી ફોટોવાળી પાસબુક, પાન કાર્ડ, એનપીઆર હેઠળ આરજીઆઈ દ્વારા જારી કરાયેલ સ્માર્ટ કાર્ડ, મનરેગા જોબ કાર્ડ, શ્રમ મંત્રાલયની યોજના હેઠળ જારી આરોગ્ય વીમા સ્માર્ટ કાર્ડ, પેન્શન દસ્તાવેજ, સાંસદો/ધારાસભ્યો/એમએલસીને આપવામાં આવેલા સત્તાવાર ઓળખપત્રો અને આધાર કાર્ડનો સમાવેશ થાય છે.
ઉલ્લેખનીય છે કે Lok Sabha Election 2024: મુંબઈ, ઘાટકોપર વિસ્તારમાં ભારતીય જનતા પાર્ટીની પ્રચાર સામગ્રીમાં કહેવાતી રીતે `સોનાના બિસ્કિટ` હોવાની અફવા ઉડી અને આનો વીડિયો વાયરલ થતા ચર્ચા વધી. જોકે, તપાસ બાદ તે પર્ફ્ર્યૂમની બૉટલ છે એવી માહિતી મલી. પણ આ કારણસર કલાકો સુધી વિવાદ ચાલ્યો. મુંબઈ, ઘાટકોપર વિસ્તારમાં અધિકારીઓ ગાડીની ચેકિંગ કરી રહ્યા હતા. આ દરમિયાન ગાડીમાં પહેલા પીએમ મોદીના માસ્ક, પછી ટોપી અને અન્ય પ્રચાર સામગ્રી એક મોટા કાર્ડબોડ બૉક્સમાં રાખેલી જોવા મળી. એક અન્ય અધિકારી આ બધાનું લિસ્ટ બનાવવામાં વ્યસ્ત રહ્યો. ત્યારે તેની નજર એક નાનકડા બૉક્સ પર પડી. કોઈકે તેને `સોનાના બિસ્કિટ` કહી દીધા. અને હોબાળો શરૂ થઈ ગયો. લોકોએ તેનો વીડિયો બનાવીને વાયરલ કરી દીધો.
પ્રચાર સામગ્રી પાર્ટી કાર્યકર્તાઓમાં વહેંચાવાની હતી
એવી ચર્ચા શરૂ થઈ ગઈ કે ભાજપ મતદારોને આકર્ષવા માટે સોનાની બિસ્કિટ (Gold Biscuits) વહેંચી રહી છે. જો કે, તપાસ બાદ જાણવા મળ્યું હતું કે તે પ્લાસ્ટિકની અત્તરની બોટલ હતી, જે અન્ય પ્રચાર સામગ્રી સાથે પક્ષના કાર્યકરોમાં વહેંચવાની હતી.
