જેલી જેવો રોબો જે વીજળીની મદદથી બદલે છે પોતાનું બૉડી

બ્રિટનમાં વિકસેલી ટેક્નૉલૉજી મુજબ હવે જેલી જેવા રોબોની દુનિયા પણ ખૂલી ગઈ છે

જેલી જેવો રોબો

કલ્પના કરો કે કોઈ એવું મશીન હોય જે હાડકાંઓ કે મેટલ જેવું સખત નહીં પણ જેલી જેવું નરમ હોય અને જેમ ચાહો એવો આકાર પામી શકે એમ હોય. બ્રિટનમાં વિકસેલી ટેક્નૉલૉજી મુજબ હવે જેલી જેવા રોબોની દુનિયા પણ ખૂલી ગઈ છે. બ્રિટલ યુનિવર્સિટી અને કીન મૅરી યુનિવર્સિટી ઑફ લંડનના વૈજ્ઞાનિકોએ એક અનોખો સૉફ્ટ રોબો તૈયાર કર્યો છે જે દેખાવમાં જેલી જેવો દેખાય છે. ઇલેક્ટ્રિક ફીલ્ડની મદદથી એ આકાર બદલી શકે છે. એટલું જ નહીં, એમાં મોટર, ગિઅર કે સખત પાર્ટ જોડવાની કોઈ જરૂર પણ નથી. ઇલેક્ટ્રિસિટીની મદદથી આ જેલી જેવા રોબો જાતે જ શરીરને ખેંચી, મરોડી અને ઘુમાવી શકે છે. એક રીતે જોઈએ તો જિમ્નૅસ્ટ જેવી લવચીકતા આ રોબોમાં હોય છે જે છત પરથી લટકીને ઝૂલી પણ શકે છે. ફ્લેક્સિબિલિટી જાળવી શકાય એ માટે આ રોબો સ્માર્ટ મટીરિયલથી બન્યો છે જેને ઇલેક્ટ્રો-મૉર્ફિંગ જેલ કહેવાય છે. એમાં ખૂબ જ હલકા ઇલેક્ટ્રોલ લાગેલા છે જે વીજળીની અસર પર તરત પ્રતિક્રિયા આપે છે.