° °

આજનું ઇ-પેપર
Wednesday, 01 February, 2023


આતંકવાદીઓ સુધી પહોંચી ગયું કાશ્મીરી પંડિત કર્મચારીઓનું લિસ્ટ

06 December, 2022 09:16 AM IST | Srinagar
Gujarati Mid-day Correspondent | feedbackgmd@mid-day.com

લશ્કર-એ-તય્યબા સાથે જોડાયેલું સંગઠન ધ રેઝિસ્ટન્સ ફ્રન્ટ સોશ્યલ મીડિયા પર ધમકી આપી રહ્યું છે

પ્રતીકાત્મક તસવીર (સૌજન્ય : આઇસ્ટૉક)

પ્રતીકાત્મક તસવીર (સૌજન્ય : આઇસ્ટૉક)

શ્રીનગર : જમ્મુ-કાશ્મીરમાં કાશ્મીરી પંડિતોની સુરક્ષા સામે વધુ એક વખત ભારે ખતરો ઊભો થયો છે. જમ્મુ-કાશ્મીરમાં સરકારી વિભાગોમાં કામ કરી રહેલા કાશ્મીરી પંડિતોનું લિસ્ટ લીક થઈ ગયું છે અને એ આતંકવાદીઓ સુધી પહોંચી ગયું છે. હવે બીજેપીએ આ મામલે તપાસ કરાવવાની માગણી કરી છે. આ લિસ્ટને આતંકવાદી સંગઠનને સંબંધિત બ્લૉગ પર શૅર કરવામાં આવી રહ્યું છે અને કાશ્મીરી પંડિતોને ધમકી આપવામાં આવી રહી છે. બીજેપીના પ્રવક્તા અલ્તાફ ઠાકુરે આ લિસ્ટ લીક થવાને લઈને ચિંતા વ્યક્ત કરી છે.

લશ્કર-એ-તય્યબા સાથે જોડાયેલું સંગઠન ધ રેઝિસ્ટન્સ ફ્રન્ટ (ટીઆરએફ)ના બ્લૉગ લિન્ક પર આ લિસ્ટ શૅર કરવામાં આવ્યું છે. આ લિસ્ટમાં એ ૫૬ કાશ્મીરી પંડિતોનાં નામ છે જેઓ વડા પ્રધાન પુનર્વસન પૅકેજ હેઠળ કામ કરી રહ્યા છે.

ટીઆરએફની ધમકીઓ સોશ્યલ મીડિયા પર ખૂબ વાઇરલ થઈ રહી છે. દરમ્યાન પોલીસે પોતાના જવાનો માટે નવી સૂચના જારી કરીને તેમને ઑફ ડ્યુટી પણ સાવધાની રાખવા જણાવવામાં આવ્યું છે. ટીઆરએફના બ્લૉગ કાશ્મીર ફાઇટ પર લિસ્ટ શૅર કરીને લખવામાં આવ્યું હતું કે એનાં ગંભીર પરિણામ આવશે. આતંકવાદી સંગઠને જણાવ્યું છે કે કાશ્મીરી પંડિતો માટે છ હજાર ફ્લૅટ્સ બનાવવામાં આવ્યા છે, એ બાબત એના માટે અસહ્ય છે.

નોંધપાત્ર છે કે છેલ્લા કેટલાક સમયથી કાશ્મીરમાં હિન્દુઓની ટાર્ગેટેડ હત્યાઓ થઈ રહી છે. છેલ્લા એક વર્ષમાં આવા ચાર કેસ આવી ચૂક્યા છે. કેન્દ્ર સરકારે ખૂબ જ સીક્રેટલી કાશ્મીરી પંડિતોનું લિસ્ટ તૈયાર કર્યું હતું. બીજેપીનું કહેવું છે કે કાશ્મીરમાં પહેલાંથી જ કાશ્મીરી પંડિતો ભયના ઓથાર હેઠળ છે ત્યારે આ લિસ્ટ લીક કરનારા લોકોની ઓળખ કરીને તેમની વિરુદ્ધ કડક કાર્યવાહી કરવી જોઈએ.

06 December, 2022 09:16 AM IST | Srinagar | Gujarati Mid-day Correspondent

અન્ય લેખો

રાષ્ટ્રીય સમાચાર

Union Budget 2023:તમામને ઘર આપવા માટે બજેટમાં 66 ટકા વધારો, ગરીબો માટે શું? જાણો

કેન્દ્રીય નાણામંત્રી નિર્મલા સીતારમણ(Nirmala Sitharaman)એ નાણાકીય વર્ષ 2023-24નું બજેટ (Union Budget 2023)રજૂ કર્યું. ત્યારે જાણીએ કે ગરીબો માટે આ બજેટમાં શું ખાસ જાહેરાત કરવામાં આવી છે.

01 February, 2023 03:34 IST | New Delhi | Gujarati Mid-day Online Correspondent
રાષ્ટ્રીય સમાચાર

Union Budget - આ બજેટ સમાજના દરેક વર્ગને લાભ કરાવશે : વડા પ્રધાન નરેન્દ્ર મોદી

નાણા પ્રધાન નિર્મલા સીતારમણે રજુ કર્યું બજેટ

01 February, 2023 03:31 IST | New Delhi | Gujarati Mid-day Online Correspondent
રાષ્ટ્રીય સમાચાર

Union Budget 2023: ટેક્સને લઈ બજેટમાં મોટી જાહેરાત, જાણો શું કહ્યું સીતારમણે

મોદી સરકાર (PM Modi)ના બીજા કાર્યકાળનું આ છેલ્લું પૂર્ણ બજેટ(Union Budget 2023) હશે. આ બજેટમાં સરકાર તરફથી મોટી જાહેરાતો થવાની આશા છે.નાણાંપ્રધાન નિર્મલા સીતારમણ (Nirmala Sitharaman) દ્વારા બજેટ રજૂ કરવામાં આવ્યું છે.

01 February, 2023 02:36 IST | New Delhi | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK