દુર્ઘટનામાં કોઈ જાનહાનિ નહીં : મધ્ય રેલવેનો વ્યવહાર ખોરવાયો
પ્રતીકાત્મક તસવીર
મધ્ય રેલવે (Central Railway)ના પ્રવાસીઓને આજે સવારે થોડીક મુશ્કેલીઓનો સમાનો કરવો પડ્યો હતો. કારણકે આજે સવારે ખારકોપર (Kharkopar) લોકલ ટ્રેન (Local Train)ના ત્રણ ડબ્બા પાટા પરથી ઉતરી ગયા હતા. સદ્નસીબે આ દુર્ઘટનામાં જાનહાનિ થઈ નહોતી.
મધ્ય રેલવેના મુખ્ય જનસંપર્ક અધિકારી શિવાજી સુતાર (Shivaji Sutar)એ જણાવ્યું કે, મંગળવારે સવારે ૮.૪૬ વાગ્યે ખારકોપર સ્ટેશનમાં પ્રવેશતી વખતે બેલાપુરથી ખારકોપર લોકલ ટ્રેનના ત્રણ ડબ્બા પાટા પરથી ઉતરી ગયા હતા.
ADVERTISEMENT
સેન્ટ્રલ રેલ્વેના જણાવ્યા અનુસાર, હજુ સુધી કોઈ મુસાફરોને ઈજા થઈ નથી. પુનઃસ્થાપન માટે રાહત ટ્રેનો સ્થળ તરફ રવાના થઈ ગઈ છે. બેલાપુર-સીવુડ્સ-ખારપોકર ઉપનગરીય કોરિડોર પરનો ટ્રેન વ્યવહાર સ્થગિત કરી દેવામાં આવ્યો છે.
શિવાજી સુતારે ટ્વિટ કરીને જણાવ્યું છે કે, ‘ખારકોપર સ્ટેશનમાં પ્રવેશતી વખતે બેલાપુરથી ખારકોપર લોકલ ટ્રેનના ત્રણ ડબ્બા પાટા પરથી ઉતરી ગયા હતા. સમય સવારે ૮.૪૬ વાગ્યે. કોઈ મુસાફરોને ઈજા થઈ નથી. રાહત ટ્રેનો પુનઃસ્થાપન માટે સ્થળ તરફ રવાના થઈ છે. બેલાપુર-ખારકોપર-નેરુલ લાઇન પર આની અસર થઈ છે અને ટ્રેનો ચાલી રહી નથી.’
3 coaches of Belapur to Kharkopar local train derailed while entering in Kharkopar station. Time 8.46am.
— Shivaji M Sutar (@ShivajiIRTS) February 28, 2023
There`s no injury to any passengers
Relief trains have left for the site for restoration.
Repercussions: Trains on Belapur - Kharkopar - Nerul line are not running.
અન્ય એક ટ્વિટમાં શિવાજી સુતારે લખ્યું કે, ‘હાર્બર લાઇનની ટ્રેનો સમયપત્રક મુજબ દોડી રહી છે.’
Harbor line trains are running as per it`s schedule
— Shivaji M Sutar (@ShivajiIRTS) February 28, 2023
સમાચાર એજન્સી પીટીઆઈના અધિકારીએ જણાવ્યું કે, ‘પનવેલ અને અન્ય સ્થળોએથી રાહત ટ્રેનો પાટા પરથી ઉતરી ગયેલા સ્થળ પર પહોંચી હતી અને વરિષ્ઠ અધિકારીઓ પણ ઘટનાસ્થળે પહોંચી ગયા હતા. ટ્રેનના ડબ્બા પાટા પરથી કઈ રીતે ખસી ગયા તેનું કારણ હજી સુધી જાણી શકાયું નથી.’
આ પણ વાંચો - આ પારસીની સચ્ચાઈને સૅલ્યુટ
ટ્રેનનું ડબ્બા પાટા પરથી ઉતરી જતાં મુસાફરોમાં ફફડાટ વ્યાપી ગયો હતો. આ ઘટના બાદ ભારે ભયનો માહોલ જોવા મળ્યો હતો.
