વિરારમાં રહેતા મથુરાદાસ મજીઠિયા આજ સુધી ક્યારેય વોટ આપવાનું ચૂક્યા નથી
૧૦ માર્ચ ૧૯૨૪ - મથુરાદાસ મજીઠિયાની જન્મતારીખ
૧૦૦ વર્ષની ઉંમર થઈ હોવા છતાં આજ સુધી એક પણ વાર મતદાન કરવાનું ન ચૂકેલા મથુરાદાસ મજીઠિયા લોકસભાની આગામી ચૂંટણીમાં પણ મતદાન કરવા ખૂબ ઉત્સાહિત છે. વિરાર-ઈસ્ટમાં મનવેલપાડા રોડ પર રહેતા મથુરાદાસભાઈ મતદાનના દિવસે સૌથી પહેલાં મતદાનકેન્દ્રમાં પહોંચી જાય છે અને ઘરની દરેક વ્યક્તિને સવારે જલદી જગાડી દેતા હોય છે. આ ચૂંટણીમાં પણ સવારે જલદી ઊઠી પ્રાણાયમ કરીને મતદાનની પોતાની ફરજ નિભાવવાની રાહ તેઓ જોઈ રહ્યા છે.