ગુજરાતી મિડ-ડે ડૉટ કૉમ તમારી માટે લઈને આવ્યું છે `વન્ડર વુમન`ની ખાસ રજૂઆત. આમ તો સમાજની દરેક મહિલા પોતાના `સ્ત્રીત્વ`ના બળે જીવનમાં ઊંચાઈને પામે છે. વળી, આપણી આસપાસ પણ એવી અનેક મહિલાઓ છે, જેમના સમર્પણ, જુસ્સા અને અડગ નિશ્ચયે તેમને નવા મુકામ આપ્યા છે! એક સ્ત્રી ધારે તો શું ન કરી શકે? નિર્દોષ, નિષ્કામ ને નિરાભિમાની નજર વડે જોશો તો પુરુષ સમોવડી થયેલી અનેક સ્ત્રીઓના પ્રેરણાદાયી ઉદાહરણો તમને સાંપડશે. મોટી ઉંમરના ઉંબરાને પણ સહજતાથી ઠેંકીને સ્ત્રી પોતાના શોખને જીવંત કરતી હોય છે. અહીં અમે એવી જ પ્રેરક મહિલાઓની વાત માંડીશું જેઓએ ધીરજ અને આત્મવિશ્વાસની આંગળી પકડીને જીવનમાં નવેસરથી ડગ ભર્યાં છે. ન માત્ર પોતાના કે પોતાના પરિવાર માટે કિન્તુ સમાજના બળબળતાં પ્રશ્નો સામે ઝઝૂમવા માટે મીટ માંડી છે. બેચલરની ડિગ્રી હોય, બિઝનેસ હોય કે પછી હોય બોક્સિંગ! આ પ્રેરણાદાયી મહિલા તો સમાજની સૌ સ્ત્રી માટે અજવાળું બની છે.
નવરાત્રી આવે ત્યારે અચૂકપણે રસિલાબાની રીલ તમારી સ્ક્રીન પર આવી જ હશે. ભલભલા જુવાનિયાઓને પણ ભોંઠા પાડી દે એવા જોમથી રસિલાબા ગરબા કરતાં હોય છે. કાંદિવલીમાં રહેતાં આપણાં આ રસિલાબા `ગરબાવાળાં બા` તો છે જ, પણ તેઓના જીવનમાં જરાક અમથું ડોકિયું કરીએ તો ખ્યાલ આવે કે કેવી ખુમારી સાથે તેઓ આજે ૭૦ વર્ષે પણ જુસ્સાભેર જીવી રહ્યાં છે. ગુજરાતી મિડ-ડે ડૉટ કૉમે ખાસ રસિલાબહેન ઠક્કર સાથે તેમના જીવન-કવનની વાતો જાણવાનો પ્રયાસ કર્યો હતો, તો આજે પ્રસ્તુત છે રસિલાબાની જોશીલી કહાની!
07 May, 2025 12:24 IST | Mumbai | Dharmik Parmar
