દિલ્હીમાં બ્લાસ્ટ બાદ મુંબઈમાં સુરક્ષા વધારવામાં આવી છે. પોલીસે ભીડભર્યા વિસ્તારોમાં તપાસ અભિયાન શરૂ કરી દીધું છે અને સીક્રેટ એજન્સીને સતર્ક રહેવાના નિર્દેશ આપ્યા છે.
તસવીર સૌજન્ય: સતેજ શિંદે
દિલ્હીમાં બ્લાસ્ટ બાદ મુંબઈમાં સુરક્ષા વધારવામાં આવી છે. પોલીસે ભીડભર્યા વિસ્તારોમાં તપાસ અભિયાન શરૂ કરી દીધું છે અને સીક્રેટ એજન્સીને સતર્ક રહેવાના નિર્દેશ આપ્યા છે.
દેશની રાજધાની દિલ્હીના લાલ કિલ્લા મેટ્રો સ્ટેશનના ગેટ નંબર એક નજીક સોમવારે સાંજે એક કારમાં જોરદાર બ્લાસ્ટ થયો, જેથી વિસ્તારમાં અફરા-તફરી મચી છે. બ્લાસ્ટ બાદ ત્યાં ભીષણ આગ લાગી ગઈ છે. પ્રારંભિક માહિતી પ્રમાણે, આ ઘટનામાં 9 લોકોના મોત નીપજ્યા છે તો અનેક લોકોના ઇજાગ્રસ્ત થવાની સમાચાર સામે આવી રહ્યા છે. દિલ્હીમાં બ્લાસ્ટ બાદ દેશની આર્થિક રાજધાની અને મહારાષ્ટ્રની રાજધાની મુંબઈમાં પણ હાઈ અલર્ટ જાહેર કરી દેવામાં આવ્યું છે. આ સિવાય પુણે પણ હાઈ અલર્ટ પર છે. સુરક્ષા એજન્સીઓને સતર્ક રહેવાના આદેશ આપવામાં આવ્યા છે. મુંબઈમાં પોલીસને સર્ચ ઑપરેશન ચલાવવાના આદેશ આપવામાં આવ્યા છે. ફાયર વિભાગના અધિકારીઓએ જણાવ્યું હતું કે તેમને સાંજે વિસ્ફોટની માહિતી મળી હતી. પ્રાથમિક તપાસમાં જાણવા મળ્યું છે કે લાલ કિલ્લા મેટ્રો સ્ટેશનના ગેટ નંબર 1 પાસે પાર્ક કરેલી એક કારમાં વિસ્ફોટ થયો હતો, જેનાથી આગ નજીકના અન્ય વાહનોમાં ફેલાઈ ગઈ હતી.
ADVERTISEMENT
ઘાયલોને નજીકની હોસ્પિટલમાં દાખલ
પોલીસ અને ફોરેન્સિક ટીમો હાલમાં ઘટનાસ્થળે પહોંચીને વિસ્ફોટના કારણની તપાસ કરી રહી છે. ઘાયલોને નજીકની હોસ્પિટલમાં દાખલ કરવામાં આવ્યા છે, જ્યારે સુરક્ષા એજન્સીઓએ સમગ્ર વિસ્તારને સીલ કરી દીધો છે.
લાલ કિલ્લા વિસ્ફોટમાં 9 લોકોના મોતની પુષ્ટિ
દિલ્હીના લાલ કિલ્લા મેટ્રો સ્ટેશન નજીક થયેલા પ્રચંડ વિસ્ફોટમાં નવ લોકોના મોતની પુષ્ટિ થઈ છે અને ઘણા લોકો ઘાયલ થયા હોવાના અહેવાલ છે. ગેટ નંબર 1 પાસે પાર્ક કરેલી ઇકો વાનમાં વિસ્ફોટ થયો હતો, જેના કારણે નજીકના ત્રણ વાહનોમાં આગ લાગી ગઈ હતી. વિસ્ફોટથી વિસ્તારમાં ગભરાટ ફેલાયો હતો, અને પોલીસ અને NSG ટીમોએ વિસ્તારને ઘેરી લીધો છે અને તપાસ કરી રહી છે. ઘટનાસ્થળેથી બહાર આવતી તસવીરો અત્યંત ભયાનક છે.
શંકાસ્પદ આતંકવાદી હુમલો!
આ વિસ્ફોટને આતંકવાદી હુમલો પણ માનવામાં આવી રહ્યો છે. જોકે હજુ સુધી આ વાતની પુષ્ટિ થઈ નથી, પોલીસે કહ્યું કે તેને નકારી શકાય નહીં. દિલ્હીમાં લાલ કિલ્લા પાસે એક કારમાં થયેલા બોમ્બ વિસ્ફોટથી ગભરાટ ફેલાયો છે. લાલ કિલ્લા મેટ્રો સ્ટેશન પાસે પાર્ક કરેલી કારમાં વિસ્ફોટ થયો હતો. વિસ્ફોટ એટલો શક્તિશાળી હતો કે તેની અસર દૂર દૂર સુધી અનુભવાઈ અને આગ ફાટી નીકળી. ઘણી કાર આગમાં લપેટાઈ ગઈ હતી, અને અત્યાર સુધીમાં 8 લોકોના મોત અને 25 ઘાયલ થયાના અહેવાલ છે. ઘટનાની માહિતી મળતાં, 7 ફાયર બ્રિગેડ ટીમો રવાના કરવામાં આવી હતી, અને દિલ્હી પોલીસની એક ખાસ ટીમ પણ ઘટનાસ્થળે પહોંચી ગઈ હતી. હાલમાં, સમગ્ર દિલ્હીમાં હાઇ એલર્ટ લાગુ છે. આ વિસ્ફોટ કેવી રીતે અને શા માટે થયો તે અંગે માહિતીની રાહ જોવાઈ રહી છે. પોલીસ હાલમાં પ્રાથમિક તપાસમાં રોકાયેલી છે.
