રાજ કુન્દ્રા અને શિલ્પા શેટ્ટી ફરી કાનૂનની રડારમાં! ૬૦ કરોડની છેતરપિંડીનો છે આરોપ, EOW કરશે તપાસ

Raj Kundra Booked: એક ઉદ્યોગપતિએ શિલ્પા શેટ્ટી અને રાજ કુન્દ્રા પર ૬૦.૪ કરોડ રૂપિયાની છેતરપિંડીનો આરોપ લગાવ્યો છે; મુંબઈ પોલીસના આર્થિક કાર્યવાહી વિભાગે FIR દાખલ કરી તપાસ હાથ ધરી છે

રાજ કુન્દ્રા અને શિલ્પા શેટ્ટીની ફાઇલ તસવીર

બોલિવૂડ (Bollywood) અભિનેત્રી શિલ્પા શેટ્ટી (Shilpa Shetty) અને તેના પતિ રાજ કુન્દ્રા (Raj Kundra) ફરી એકવાર મુશ્કેલીમાં મુકાયા છે. શિલ્પા શેટ્ટી અને રાજ કુન્દ્રા પર એક અજાણ્યા વ્યક્તિ સાથે મળીને ૬૦ કરોડ રૂપિયાની છેતરપિંડીનો આરોપ મૂકવામાં આવ્યો છે. આ સંદર્ભમાં, આર્થિક ગુના શાખા (Economic Offences Wings)એ શિલ્પા શેટ્ટી અને રાજ કુન્દ્રા વિરુદ્ધ મુંબઈ (Mumbai)ના એક ઉદ્યોગપતિ સાથે ૬૦.૪ કરોડ રૂપિયાની છેતરપિંડીનો કેસ નોંધ્યો છે. કેસની વધુ તપાસ શરુ કરવામાં આવી છે.

આર્થિક ગુના શાખા (EOW)એ શિલ્પા શેટ્ટી અને તેના પતિ રાજ કુન્દ્રા વિરુદ્ધ છેતરપિંડીનો ગુનો (Raj Kundra Booked) નોંધ્યો છે. આ છેતરપિંડી તેમની હવે બંધ થયેલી કંપની બેસ્ટ ડીલ ટીવી પ્રાઇવેટ લિમિટેડ (Best Deal TV Pvt Ltd) સાથે સંકળાયેલા લોન-કમ-રોકાણ સોદાના સંદર્ભમાં કરવામાં આવી હતી. જેના કારણે અભિનેત્રી અને તેના પતિ વિરુદ્ધ જુહુ પોલીસ સ્ટેશન (Juhu Police Station)માં છેતરપિંડી અને બનાવટીની કલમો હેઠળ કેસ નોંધવામાં આવ્યો હતો. જોકે, આ રકમ ૧૦ કરોડ રૂપિયાથી વધુ હોવાથી, કેસને આર્થિક ગુના શાખામાં ટ્રાન્સફર કરવામાં આવ્યો હતો. બિઝનેસમેન દીપક કોઠારી દ્વારા દાખલ કરવામાં આવેલી ફરિયાદની પ્રાથમિક તપાસ બાદ આખો કેસ નોંધવામાં આવ્યો છે.

ADVERTISEMENT

શું છે આખો મામલો?

બિઝનેસમેન દીપક કોઠારી દ્વારા રાજ કુન્દ્રા અને શિલ્પા શેટ્ટી વિરુદ્ધ ફરિયાદ નોંધવામાં આવી છે. દીપક કોઠારી જુહુ (Juhu)ના રહેવાસી છે અને લોટસ કેપિટલ ફાઇનાન્શિયલ સર્વિસીસ (Lotus Capital Financial Services) નામની એનબીએફસી (NBFC)ના ડિરેક્ટર છે.

૨૦૧૫માં, દીપક કોઠારી એક એજન્ટ રાજેશ આર્યને મળ્યો. તેણે તેને શિલ્પા-રાજની બેસ્ટ ડીલ ટીવી પ્રાઇવેટ લિમિટેડ સાથેના તેના જોડાણ વિશે જણાવ્યું. કંપનીએ દાવો કર્યો હતો કે તે ફેશનથી લઈને આરોગ્ય ઉત્પાદનો સુધી બધું વેચતું એક ઓનલાઈન શોપિંગ પ્લેટફોર્મ છે. આર્યએ ૧૨ ટકા વાર્ષિક વ્યાજ પર ૭૫ કરોડ રૂપિયાની લોન માંગી હતી. તે સમયે શિલ્પા પાસે કંપનીમાં ૮૭ ટકાથી વધુ શેર હતા. શરૂઆતમાં, લોન આપવાની વાત થઈ હતી, પરંતુ ટેક્સના બહાના હેઠળ, તેને "રોકાણ" બનાવવાનું સૂચન કરવામાં આવ્યું હતું. એક હોટલમાં એક મીટિંગ થઈ, વચન આપવામાં આવ્યું - ટેક્સ ઓછો હશે, વ્યાજ પણ આપવામાં આવશે, પૈસા સમયસર પરત કરવામાં આવશે. આ વાત પર વિશ્વાસ કરીને, દીપક કોઠારીએ એપ્રિલ ૨૦૧૫માં લગભગ ૩૧.૯૫ કરોડ રૂપિયાનો પહેલો હપ્તો ટ્રાન્સફર કર્યો.

કરનો મુદ્દો ઉકેલાયો ન હતો, છતાં સપ્ટેમ્બર ૨૦૧૫માં બીજો કરાર થયો અને જુલાઈ ૨૦૧૫થી માર્ચ ૨૦૧૬ દરમિયાન બીજા ૨૮.૫૪ કરોડ રૂપિયા ટ્રાન્સફર કરવામાં આવ્યા. આમ કુલ ૬૦,૪૮,૯૮,૭૦૦ રૂપિયા ચૂકવવામાં આવ્યા અને તે ઉપરાંત ૩,૧૯,૫૦૦ રૂપિયા સ્ટેમ્પ ડ્યુટી તરીકે ચૂકવવામાં આવ્યા. બદલામાં શિલ્પા શેટ્ટીએ એપ્રિલ ૨૦૧૬માં વ્યક્તિગત ગેરંટી પણ આપી. સપ્ટેમ્બર ૨૦૧૬માં શિલ્પા શેટ્ટીએ અચાનક ડિરેક્ટર પદ પરથી રાજીનામું આપ્યું. થોડા સમય પછી, ખબર પડી કે કંપની સામે ૧.૨૮ કરોડ રૂપિયાનો નાદારીનો કેસ ચાલી રહ્યો છે, જેની દીપક કોઠારીને જાણ પણ કરવામાં આવી ન હતી. જ્યારે પૈસા પાછા માંગવામાં આવ્યા ત્યારે તેમણે વિલંબ કરવાનું શરૂ કર્યું.

દીપક કોઠારીનો આરોપ છે કે, ૨૦૧૫થી ૨૦૨૩ સુધી શિલ્પા શેટ્ટી, રાજ કુન્દ્રા અને તેમના સહયોગીઓ એક સુનિયોજિત કાવતરું ચલાવી રહ્યા હતા. તેમણે વ્યવસાયના નામે પૈસા લીધા હતા પરંતુ તેનો ઉપયોગ વ્યક્તિગત લાભ માટે કર્યો હતો. મુંબઈ પોલીસની EOWએ IPC ની કલમ ૪૦૩, ૪૦૬ અને ૩૪ હેઠળ FIR નોંધી છે. આ મામલે વધુ તપાસ ચાલી રહી છે.