આ મામલામાં તુલિંજ પોલીસે હત્યાનો ગુનો નોંધી આરોપીની શોધખોળ હાથ ધરી છે
હાર્દિક શાહનો સ્કેચ
નાલાસોપારાના તુલિંજ વિસ્તારમાં એક બંધ ફ્લૅટમાં એક પલંગની અંદરથી ચાલીસ વર્ષની મહિલાની કોહવાઈ ગયેલી લાશ મળી આવી હતી. આ મહિલાનું નામ મેઘા શાહ છે. આ ઘટના બાદ તેનો પતિ હાર્દિક શાહ ફરાર થઈ ગયો છે અને પોલીસ તેને શોધી રહી છે.
નાલાસોપારા-ઈસ્ટના તુલિંજ વિસ્તારમાં સીતા સદન બિલ્ડિંગના બીજા માળે આવેલા એક ઘરમાંથી દુર્ગંધ આવી રહી હતી. ગઈ કાલે દુર્ગંધ વધી જતાં પાડોશીઓએ પોલીસને આ વિશે જાણ કરી હતી. જ્યારે તુલિંજ પોલીસે ‘મિડ-ડે’ને જણાવ્યું હતું કે ‘ઘરનો દરવાજો તોડ્યો તો ઘરના પલંગમાંથી એક મહિલાની લાશ મળી આવી હતી. આ મહિલાનું નામ મેઘા શાહ છે, તેનો પતિ હાર્દિક શાહ ફરાર છે. તેણે હત્યા કરી હોવાની અમને શંકા છે. શાહદંપતી વીસ દિવસ પહેલાં આ બિલ્ડિંગમાં ભાડાના ફ્લૅટમાં રહેવા આવ્યું હતું.’
ADVERTISEMENT
આ મામલામાં તુલિંજ પોલીસે હત્યાનો ગુનો નોંધી આરોપીની શોધખોળ હાથ ધરી છે.
ચોંકાવનારી વાત એ છે કે હાર્દિક શાહે તેની પત્ની મેઘાની મમ્મીને મેસેજ કર્યો હતો કે મેં તારી દીકરીને પતાવી દીધી છે.
