મુંબઈમાં મહનગરપાલિકાએ ૧૬ હૉસ્પિટલોમાં કૂલ-રૂમ તૈયાર કર્યા છે. આ સિવાય ૧૦૩ દવાખાનાંઓમાં વૉટર-કૂલર્સ લગાવ્યાં છે.
પ્રતીકાત્મક ફાઇલ તસવીર
પહેલી માર્ચથી ૧૨ એપ્રિલ સુધીના ૪૨ દિવસમાં મહારાષ્ટ્રમાં હીટ-સ્ટ્રોકના ૭૭ કેસ નોંધાયા હોવાનું રાજ્યના આરોગ્ય વિભાગે જણાવ્યું હતું. ૭૭ કેસમાંથી ૩૬ કેસ ૪થી ૧૨ એપ્રિલના ૯ દિવસમાં નોંધાયા હતા અને આ સમયગાળા દરમ્યાન ગરમીનો પારો વધી ગયો હતો.
મુંબઈમાં ઉષ્ણતામાનનો પારો ૪૦ ડિગ્રી સેલ્સિયસ સુધી પહોંચી જવા છતાં હીટ-સ્ટ્રોકનો એકેય કેસ નોંધાયો નથી. બુલઢાણામાં ૧૨, સિંધુદુર્ગમાં ૯, વર્ધામાં ૮, નાશિકમાં ૬, કોલ્હાપુર અને પુણેમાં પાંચ-પાંચ હીટ-સ્ટ્રોકના કેસ નોંધાયા હતા જ્યારે થાણેમાં ત્રણ કેસ નોંધાયા હતા.
ADVERTISEMENT
હીટ-સ્ટ્રોકની સ્થિતિમાં શું કરવું જોઈએ એ વિશે બોલતાં આરોગ્ય અધિકારીએ જણાવ્યું હતું કે `લોકોએ વધારે પ્રમાણમાં પાણી પીવું જોઈએ અને બને તો દર ૨૦ મિનિટે પાણી પીવું જોઈએ. ગરમીમાં કામ કરતા લોકોએ એક કલાકના કામ બાદ પાંચ મિનિટનો બ્રેક લેવો જોઈએ. ઉષ્ણતામાન ૩૮ ડિગ્રી સેલ્સિયસથી વધારે થાય તો કામ વગર બપોરે ૧૨થી ૩ વાગ્યા સુધી ઘરની બહાર નીકળવું ન જોઈએ. આ સમયે બહાર નીકળવાથી ૧૫ મિનિટમાં શરીરનું તાપમાન વધી જાય છે.`
મુંબઈમાં મહનગરપાલિકાએ ૧૬ હૉસ્પિટલોમાં કૂલ-રૂમ તૈયાર કર્યા છે. આ સિવાય ૧૦૩ દવાખાનાંઓમાં વૉટર-કૂલર્સ લગાવ્યાં છે.