Israel threatens Yemen to Attack: ઇઝરાયલે સીરિયા, લેબનોન, ગાઝા, તેહરાન સહિત ઘણા દેશો સાથે સતત મોરચા ખોલ્યા છે. તાજેતરમાં, ઇરાન સાથે 12 દિવસનું યુદ્ધ થયું હતું. આ સમય દરમિયાન, તેણે ઇરાનની રાજધાની તેહરાન પર બૉમ્બ અને મિસાઇલોનો વરસાદ કર્યો હતો.
બેન્જામીન નેતનયાહૂ ફાઇલ તસવીર (સૌજન્ય: મિડ-ડે)
ઇઝરાયલે સીરિયા, લેબનોન, ગાઝા, તેહરાન સહિત ઘણા દેશો સાથે સતત મોરચા ખોલ્યા છે. તાજેતરમાં, ઇરાન સાથે 12 દિવસનું યુદ્ધ થયું હતું. આ સમય દરમિયાન, તેણે ઇરાનની રાજધાની તેહરાન પર બૉમ્બ અને મિસાઇલોનો વરસાદ કર્યો હતો. હવે તેણે યમનમાં પણ આવું જ કરવાની ધમકી આપી છે. ઇઝરાયલે યમનના આતંકવાદી જૂથ હુતીઓને નિશાન બનાવીને હુમલા કર્યા છે. એટલું જ નહીં, તે કહે છે કે જો હુતી જૂથ હથિયાર નહીં મૂકે તો યમનની હાલત પણ તેહરાન જેવી થઈ જશે. ઇઝરાયલના સંરક્ષણ પ્રધાન ઇઝરાયલ કાત્ઝે આ વાત કહી છે.
ઇઝરાયલ ડિફેન્સ ફોર્સે યમનના શહેર હોદેદામાં શ્રેણીબદ્ધ હુમલાઓ કર્યા છે. ઇઝરાયલનું કહેવું છે કે આ હુમલાઓ હુતી આતંકવાદી ઠેકાણાઓ પર કરવામાં આવ્યા છે. ઇઝરાયલી સેનાનું કહેવું છે કે અમારી કાર્યવાહી દરમિયાન અમે ફ્યુલ ટેન્ક અને જહાજોને નિશાન બનાવ્યા છે, જેનો ઉપયોગ બંદર નજીક હુમલા દરમિયાન કરવામાં આવતો હતો. ઇઝરાયલ દ્વારા અગાઉ પણ હોદેદાને નિશાન બનાવવામાં આવ્યું છે. ઇઝરાયલે મિસાઇલો અને ડ્રોન દ્વારા શહેર પર હુમલો કર્યો છે. ઇઝરાયલનું કહેવું છે કે આ તે જગ્યા છે જ્યાં હુતીઓએ ઇરાનથી આયાત કરાયેલા શસ્ત્રોનો મોટા પાયે સંગ્રહ કર્યો છે. આ ઉપરાંત, તેમની પ્રવૃત્તિઓ અહીંથી કરવામાં આવે છે.
ADVERTISEMENT
ઇઝરાયલી સેનાએ કહ્યું કે અમે તે સ્થળો ઓળખી કાઢ્યા છે જ્યાંથી હુતી આતંકવાદીઓ સક્રિય હતા. તેમણે અહીં છુપાયેલા સ્થળો બનાવ્યા હતા. હોદેઇદા બંદર તેમની પ્રવૃત્તિઓનું કેન્દ્ર બની ગયું હતું. આ ઉપરાંત, તેમના દ્વારા ઉપયોગમાં લેવાતા શસ્ત્રોને પણ નિશાન બનાવવામાં આવ્યા હતા. ઇઝરાયલે કહ્યું કે જો યમન તેમને નિયંત્રિત નહીં કરે તો તેની હાલત તેહરાન જેવી થઈ જશે. કાત્ઝે કહ્યું કે ઇઝરાયલ પર મિસાઇલ છોડવાથી ગંભીર પરિણામો ભોગવવા પડશે. અમે ઇઝરાયલની રક્ષા કરવા માટે હુમલા ચાલુ રાખીશું.
એક અલગ નિવેદનમાં, ઇઝરાયલી સૈન્યએ જણાવ્યું હતું કે "જે લશ્કરી માળખા પર હુમલો કરવામાં આવ્યો છે તેમાં એન્જિનિયરિંગ વાહનો... ઇંધણ ભરેલા કન્ટેનર, ઇઝરાયલ રાજ્ય વિરુદ્ધ લશ્કરી પ્રવૃત્તિઓ અને દળો માટે ઉપયોગમાં લેવાતા નૌકાદળના જહાજો અને બંદરને અડીને આવેલા દરિયાઈ વિસ્તારમાં જહાજો અને હુતી આતંકવાદી શાસન દ્વારા ઉપયોગમાં લેવાતા વધારાના આતંકવાદી માળખાનો સમાવેશ થાય છે."
નોંધનીય છે કે ઑક્ટોબર 2023 માં પેલેસ્ટિનિયન આતંકવાદી જૂથ હમાસ સામે ગાઝામાં ઇઝરાયલનું યુદ્ધ શરૂ થયું ત્યારથી, ઈરાન સમર્થિત હુતી બળવાખોરો લાલ સમુદ્ર (Red Sea) માં જહાજો પર હુમલો કરી રહ્યા છે. હુતીઓનું કહેવું છે કે તેઓ પેલેસ્ટિનિયનો સાથે એકતામાં આ હુમલો કરી રહ્યા છે.
