ગુજરાત ATSએ શ્રીલંકાના ચાર આતંકીઓની ધરપકડ કરી, મોટું આતંકી ષડયંત્ર ટળ્યું

ગુજરાત આતંકવાદ વિરોધી ટુકડી (ATS) એ ૨૦ મેના રોજ અમદાવાદ એરપોર્ટ પરથી ઇસ્લામિક સ્ટેટ (IS) ના ચાર આતંકવાદીઓની ધરપકડ કરી હતી. ગુજરાત પોલીસના જણાવ્યા અનુસાર, ચારેય આરોપી મોહમ્મદ નુસરત,  મોહમ્મદ નુફ્રાન,  મોહમ્મદ ફારિસ અને મોહમ્મદ રઝદીન શ્રીલંકાના નાગરિક છે અને પ્રતિબંધિત આતંકવાદી સંગઠન આઈએસઆઈએસના સક્રિય સભ્યો હતા. ધરપકડ અંગે માહિતી આપતા ગુજરાતના ડીજીપી વિકાસ સહાયે જણાવ્યું હતું કે, પ્રાપ્ત માહિતી અનુસાર તેઓ આતંકવાદી હુમલો કરવા માટે ભારત આવી રહ્યા હતા.