બૅલટ પેપરથી યોજશે મતદાન : ૨૨ જૂને મતદાન અને ૨૫ જૂને રિઝલ્ટ થશે જાહેર
પ્રતીકાત્મક તસવીર
આખરે ગુજરાતમાં ગ્રામપંચાયતોની ચૂંટણીની જાહેરાત ગઈ કાલે થઈ હતી જે મુજબ ગુજરાતમાં ૮૩૨૬ ગ્રામપંચાયતમાં સામાન્ય, વિભાજન, મધ્યસત્ર અને પેટાચૂંટણી યોજાશે. આ ચૂંટણીની સૌથી મહત્ત્વની વાત એ છે કે ગ્રામપંચાયતની આ ચૂંટણીમાં મતદાન માટે બૅલટ પેપરનો ઉપયોગ થશે.
ગ્રામપંચાયતોની ચૂંટણીમાં અંદાજે ૧ કરોડ ૩૦ લાખ જેટલા મતદારો તેમના મતાધિકારનો ઉપયોગ કરી શકશે.
ADVERTISEMENT
૨૨ જૂને મતદાન યોજાશે અને ૨૫ જૂને પરિણામ જાહેર થશે.
૩૩ જિલ્લાઓની ૪૬૮૮ ગ્રામપંચાયતોમાં સામાન્ય, વિભાજન અને મધ્યસત્ર ચૂંટણી યોજાશે; જ્યારે ૩૬૩૮ ગ્રામપંચાયતોમાં પેટાચૂંટણી યોજાશે.
સૌથી વધુ બનાસકાંઠા જિલ્લામાં ૩૮૬ ગ્રામપંચાયતો, પાટણ જિલ્લામાં ૩૧૦ ગ્રામપંચાયતો અને સાબરકાંઠા જિલ્લામાં ૨૬૭ ગ્રામપંચાયતોમાં સામાન્ય, વિભાજન અને મધ્યસત્ર ચૂંટણી યોજાશે.
સૌથી ઓછી પોરબંદર જિલ્લામાં ૧૯ ગ્રામપંચાયતો, તાપી જિલ્લામાં ૪૦ ગ્રામપંચાયતો, બોટાદ જિલ્લામાં ૪૪ ગ્રામપંચાયતોમાં સામાન્ય, વિભાજન અને મધ્યસત્ર ચૂંટણી યોજાશે.
ગ્રામપંચાયતોની ચૂંટણીમાં ગામ પૂરતા મતદારો હોવાથી બૅલટ પેપરથી ચૂંટણી યોજાશે, મતદારો તેમના મત મતપેટીમાં નાખશે.
