આ ફિલ્મ પણ વિવેક અગ્નિહોત્રી બનાવી રહ્યાં છે. એવામાં ફિલ્મને લઈ લોકો અનુપમ ખેરને ટ્રોલ કરી રહ્યાં છે.
તસવીર સૌજન્ય: અનુપમ ખેર ઈન્સ્ટાગ્રામ
વિવેક અગ્નિહોત્રી (Vivek Agnihotri)એ જ્યારથી ધ કાશ્મીર ફાઈલ્સ ફિલ્મ બનાવી ત્યારથી તે ચર્ચામાં રહ્યાં છે. અને આજ સુધી પણ આ ફિલ્મની ચર્ચા થઈ રહી છે. પરંતુ હવે બીજી એક ફિલ્મ ચર્ચામાં આવી છે, આ ફિલ્મ છે `ધ વેક્સિન વૉર` (The Vaccine War). આ ફિલ્મને પણ વિવેક અગ્નિહોત્રી બનાવી રહ્યાં છે. ફિલ્મને લઈ અભિનેતા અનુપમ ખેર (Anupam Kher)એ એક ટ્વિટ કર્યુ છે, જે હાલમાં ખુબ ચર્ચામાં છે.
જી હા, અનુપમ ખેરે આ ફિલ્મની જાહેરાત કરતાં એક પોસ્ટ શેર કરી છે. જેમાં તે શૂટિંગ ક્લૈપ સાથે દેખાયા છે. અનુપમ ખેરે તસવીર શેર કરતાં લખ્યું છે, "મારી 534મી ફિલ્મની ઘોષણા!#TheVaccineWar,વિવેક અગ્નિહોત્રી દ્વારા નિર્દેશિત ફિલ્મ. આકર્ષક અને પ્રેરણાદાયક! જય હિન્દ!"
ADVERTISEMENT
View this post on Instagram
અનુપ ખેરે ફિલ્મ વિશે જેવી પોસ્ટ કરી કે તરત જ તેના પર વિવિધ ટિપ્પણીઓ કરવામાં આવી રહી છે. કેટલાક યુર્ઝસ આ ફિલ્મને લઈ ઉત્સાહિત જોવા મળ્યા તો કેટલાકે નિંદા કરી છે. અનુપમ ખેરની આ પોસ્ટ પર અમુક લોકો તેમને ટ્રોલ કરી રહ્યાં છે.
આ પણ વાંચો:વિવેક અગ્નિહોત્રીની ‘ધ વૅક્સિન વૉર’ અગિયાર ભાષામાં થશે રિલીઝ
એક યુઝરે લખ્યું, "ચલો વધુ એક Propogenda film..મને આશા છે કે તમને બહુ જલદી ભારતરત્ન મળશે." આ સિવાય અન્ય એક યુઝરે કહ્યું,"કેટલી પ્રોપગેંડા ફિલ્મ બનાવશો, એકથી મન નથી ભર્યુ." જ્યારે બીજા યુઝરે કહ્યું કે `કાશ્મીર ફાઈલ્સના પૈસા ખૂટી રહ્યાં છે?` જોકે આવી વિવિધ ટિપ્પણી પર ના તો અનુપમ ખેરે કોઈ પ્રતિક્રિયા આપી છે કે ના તો વિવેક અગ્નિહોત્રીએ.
`ધ વેક્સિન વૉર` ફિલ્મ કેવી હશે તે આવનારો સમય જ બતાવશે. પરંતુ હાલ ફિલ્મની પોસ્ટને લઈ અનુપમ ખેરને ટ્રોલ કરવામાં આવી રહ્યાં છે.ઉલ્લેખનીય છે કે વિવેક અગ્નિહોત્રીની ફિલ્મ ધ કાશ્મીર ફાઈલ્સ વખતે ભારે હોબાળો મચ્યો હતો. ફિલ્મની કહાનીને એકતરફી દર્શાવવામાં આવી હોવાના આક્ષેપ પર ઘણા લોકોએ ફિલ્મનો વિરોધ કર્યો હતો. નોંધનીય છે કે અભિનેતા અનુપમ ખેર આ ફિલ્મમાં મુખ્ય ભૂમિકામાં જોવા મળ્યા હતાં.
