૨૦૧૧ની હૉરર ફિલ્મ હૉન્ટેડ 3ડીની સીક્વલની જાહેરાત. વિક્રમ ભટ્ટ આ પહેલાં ‘રાઝ’, ‘1920’, ‘શાપિત’, ‘રાઝ રિબૂટ’ અને ‘1921’ જેવી અનેક હૉરર ફિલ્મો બનાવી ચૂક્યા છે.
ફિલ્મનું પોસ્ટર
ફિલ્મમેકર વિક્રમ ભટ્ટે તેમની ૨૦૧૧માં રિલીઝ થયેલી હૉરર ફિલ્મ ‘હૉન્ટેડ 3ડી’ની સીક્વલની જાહેરાત કરી છે. આ ફિલ્મ જ્યારે રિલીઝ થઈ હતી ત્યારે એને ઠીકઠાક સફળતા મળી હતી અને હવે ૧૪ વર્ષ પછી એની સીક્વલની જાહેરાત કરવામાં આવી છે. આ સીક્વલનું નામ ‘હૉન્ટેડ 3ડી : ઘોસ્ટ્સ ઑફ ધ પાસ્ટ’ રાખવામાં આવ્યું છે. આ ફિલ્મના મોશન પોસ્ટર સાથે જાહેરાત કરવામાં આવી છે કે એ ફિલ્મ ૨૬ સપ્ટેમ્બરે થિયેટરમાં રિલીઝ થશે. આ ફિલ્મમાં લીડ રોલમાં મિથુન ચક્રવર્તીનો દીકરો મિમોહ ચક્રવર્તી અને ચેતના પાંડે જોવા મળશે.
ફિલ્મમેકર મહેશ ભટ્ટ અને આનંદ પંડિત મળીને ‘હૉન્ટેડ 3ડી : ઘોસ્ટ્સ ઑફ ધ પાસ્ટ’ પ્રોડ્યુસ કરી રહ્યા છે. આ ફિલ્મના અન્ય પ્રોડ્યુસર રાકેશ જુનેજા અને શ્વેતામ્બરી ભટ્ટ છે. ‘હૉન્ટેડ 3ડી : ઘોસ્ટ્સ ઑફ ધ પાસ્ટ’ની પ્રીક્વલ ૨૦૧૧માં રિલીઝ થઈ હતી અને એમાં મિમોહ ચક્રવર્તી અને પિયા બાજપેયીએ લીડ રોલ કર્યો હતો. જોકે સીક્વલમાં પિયાને બદલે ચેતના પાંડેને સાઇન કરવામાં આવી છે.
વિક્રમ ભટ્ટ આ પહેલાં ‘રાઝ’, ‘1920’, ‘શાપિત’, ‘રાઝ રિબૂટ’ અને ‘1921’ જેવી અનેક હૉરર ફિલ્મો બનાવી ચૂક્યા છે.
