સની દેઓલ, કરણ દેઓલ અને ડિરેક્ટર રાજકુમાર સંતોષી ‘બટવારા 1947’ના ટ્રેલર લૉન્ચ માટે જયપુર પહોંચ્યા હતા. રાજમંદિર સિનેમામાં ચાહકોને મળતાં પહેલાં તેમણે રામબાગ પૅલેસ અને હવા મહલની મુલાકાત પણ લીધી હતી.
સની દેઓલ અને કરણ દેઓલ
સની દેઓલને લીડ રોલમાં ચમકાવતી ફિલ્મ ‘બટવારા 1947’નું ટ્રેલર બુધવારે જયપુરના વિખ્યાત રાજમંદિર સિનેમા ખાતે લૉન્ચ કરવામાં આવ્યું હતું અને ખાસ પ્રમોશન-ટૂર પણ યોજવામાં આવી હતી. ફિલ્મના કલાકારો સની દેઓલ, કરણ દેઓલ અને ડિરેક્ટર રાજકુમાર સંતોષી આ પ્રમોશનલ ટૂર માટે ખાસ જયપુર પહોંચ્યા હતા. આ ટૂર દરમ્યાન રાજમંદિર સિનેમામાં ફૅન્સ સાથે મુલાકાત કરતાં પહેલાં સની, કરણ અને રાજકુમાર સંતોષીએ જયપુરના પ્રખ્યાત રામબાગ પૅલેસ અને ઐતિહાસિક હવા મહલની પણ મુલાકાત લીધી હતી. સનીની આ મુલાકાત દરમ્યાન ફૅન્સમાં જબરદસ્ત ઉત્સાહ જોવા મળ્યો હતો.
