જોઈ લો કપિલ દેવ બનેલા રણવીરનો નટરાજપોઝ
રણવીર સિંહ
રણવીર સિંહની આગામી ફિલ્મ ‘૮૩’નું પોસ્ટર હાલમાં જ રિલીઝ કરવામાં આવ્યું છે. ૧૯૮૩માં ભારતે જીતેલા વર્લ્ડ કપ પરથી આ ફિલ્મ બનાવવામાં આવી રહી છે જેમાં કપિલ દેવનું પાત્ર રણવીરે ભજવ્યું છે. હાલમાં જ રણવીરનું એક પોસ્ટર રિલીઝ થયું છે જેમાં તે કપિલ દેવના ફૅમસ પોઝ ‘નટરાજ’માં જોવા મળી રહ્યો છે. ૧૯૮૩માં ટુનબ્રિજ વેલ્સમાં ઝિમ્બાબ્વેની સામે કપિલ દેવે ૧૭૫ રન કર્યાં હતાં. આ એજ મૅચનો પોઝ છે, જેમાં રણવીર જોવા મળી રહ્યો છે.
ઝિમ્બાબ્વે સામેની આ મૅચ ઇતિહાસની યાદગાર મૅચમાની એક છે. આ મૅચનના એક પણ ફૂટેજ ઉપલબ્ધ નથી. આ ફિલ્મ માટે રણવીરે ખૂબ જ મહેનત કરી છે. કપિલ દેવ જેવા દેખાવવાની સાથે રણવીરે તેમની બેટિંગ અને બોલિંગ બન્ને પર ખૂબ જ મહેનત કરી છે. આ ફિલ્મમાં વેસ્ટ ઇન્ડીઝ સામેની ફાઇનલ મૅચને વધુ મહત્ત્વ આપવામાં આવશે કારણ કે આ મૅચ બાદ દુનિયાભરમાં ઇન્ડિયન ક્રિકેટ ટીમે દેશનું નામ રોશન કર્યું હતું. આ ફિલ્મને ૨૦૨૦ની દસ એપ્રિલે રિલીઝ કરવામાં આવશે.
