યશરાજ ફિલ્મ્સમાં ઇન્ટર્નશિપ કરતી હતી એ દરમ્યાન ઍક્ટર્સે કોને અને ક્યારે ઇન્ટરવ્યુ આપવો એ તે નક્કી કરતી હતી
પરીનીતિ ચોપરા
પરિણીતિ ચોપડા ઍક્ટિંગમાં કરીઅર બનાવવા પહેલાં સેલિબ્રિટીઝ માટે કૉફી ઑર્ડર કરતી હતી. તેણે ૨૦૧૧માં આવેલી ‘લેડીઝ vs રિકી બહલ’ દ્વારા ઍક્ટિંગ કરીઅરની શરૂઆત કરી હતી. આ ફિલ્મમાં તે સપોર્ટિંગ ઍક્ટર હતી. તેણે લીડ હિરોઇન તરીકે ‘ઇશકઝાદે’ દ્વારા ઇન્ડસ્ટ્રીમાં એન્ટ્રી કરી હતી. જોકે આ પહેલાં તે યશરાજ ફિલ્મ્સમાં માર્કેટિંગ અને પબ્લિક રિલેશન્સ ડિપાર્ટમેન્ટમાં કામ કરતી હતી. આ વિશે વાત કરતાં પરિણીતિ કહે છે, ‘મેં રાની મુખરજી માટે ‘દિલ બોલે હડિપ્પા’, દીપિકા પાદુકોણ અને નીલ નીતિન મુકેશ માટે ‘લફંગે પરિંદે’ તેમ જ અનુષ્કા શર્મા અને શાહિદ કપૂર માટે ‘બદમાશ કંપની’નું પ્રમોશન કર્યું હતું. હું આ ઍક્ટર્સે કોને અને ક્યારે ઇન્ટરવ્યુ આપવો એ નક્કી કરતી હતી. તેમ જ તેમના માટે કૉફી પણ ઑર્ડર કરતી હતી. મારી ઇન્ટર્ન તરીકે છેલ્લી ફિલ્મ ‘બૅન્ડ બાજા બારાત’ હતી.’
