અરે યે ક્યા ગુરુજી, હમ સુધર ગએ ઔર આપ બિગડ ગએ

પંકજ ત્રિપાઠીએ વિચિત્ર આઉટફિટમાં તસવીરો પોસ્ટ કરી એને પગલે રણવીરે કરી આવી કમેન્ટ

પંકજ ત્રિપાઠી અને રણવીર સિંહ

પડદા પર પોતાની ગંભીર ભૂમિકા અને સાદગીભર્યા પરંપરાગત અંદાજ માટે પ્રખ્યાત પંકજ ત્રિપાઠીએ હાલમાં સોશ્યલ મીડિયા પર વિચિત્ર આઉટફિટમાં તસવીરો પોસ્ટ કરી હતી. આ તસવીરોમાં પંકજ ત્રિપાઠી લાલ સલવાર અને સ્ટાઇલિશ આઉટફિટ સાથે લીલા રંગના લાંબા બ્લેઝર અને ટોપીમાં અલગ જ દેખાઈ રહ્યા છે. પંકજ ત્રિપાઠીએ પોતાની આ તસવીરો સોશ્યલ મીડિયા પર શૅર કરીને લખ્યું હતું, ‘એક નવી શરૂઆત. આ કોઈ રસપ્રદ વસ્તુની શરૂઆત છે. તમને આ વાઇબ કેવી લાગી?’

પંકજ ત્રિપાઠીની આ તસવીરોએ જેટલું ધ્યાન ખેંચ્યું છે એટલી જ ચર્ચા એના પર  રણવીર સિંહે કરેલી કમેન્ટની થઈ રહી છે. ચિત્રવિચિત્ર ડ્રેસિંગ માટે જાણીતા રણવીરે આ તસવીર પર કમેન્ટ કરતાં કહ્યું, ‘અરે યે ક્યા ગુરુજી, હમ સુધર ગએ ઔર આપ બિગડ ગએ...’  જોકે આ ફોટો જોઈને કેટલાક ફૅન્સે એ આર્ટિફિશ્યલ ઇન્ટેલિજન્સ (AI)ની મદદથી જનરેટ કરવામાં આવી હોવાની આશંકા વ્યક્ત કરી છે.