ખાસ વાત તો એ છે કે નર્ગિસે જયપુરની સુંદરતાને ગ્લૅમર કે લક્ઝરીના દૃષ્ટિકોણથી નહીં પણ સામાન્ય લોકોનાં જીવન, સંસ્કૃતિ અને વારસા દ્વારા રજૂ કરી છે.
જયપુરની ગલીઓમાં ફરતી જોવા મળી નર્ગિસ ફખરી
નર્ગિસ ફખરીએ સોશ્યલ મીડિયામાં તેના જયપુર પ્રવાસની ઝલક દર્શાવતો વિડિયો પોસ્ટ કર્યો છે જે લોકોનું ધ્યાન ખેંચી રહ્યો છે. ખાસ વાત તો એ છે કે નર્ગિસે જયપુરની સુંદરતાને ગ્લૅમર કે લક્ઝરીના દૃષ્ટિકોણથી નહીં પણ સામાન્ય લોકોનાં જીવન, સંસ્કૃતિ અને વારસા દ્વારા રજૂ કરી છે. આ વિડિયો સાથે તેણે લખ્યું છે, ‘જયપુરને સુંદર દેખાવા માટે કોઈ ફિલ્ટરની જરૂર નહોતી... અને મને પણ નહોતી.’
નર્ગિસના આ વિડિયોમાં જયપુરની ગુલાબી ઇમારતો, ઐતિહાસિક વારસા, રંગબેરંગી બજારો અને વ્યસ્ત ગલીઓનાં દૃશ્યો જોવા મળે છે. વિડિયોમાં હવા મહલની આસપાસની ચહલપહલ, જૂના શહેરની પરંપરાગત સ્થાપત્યકલા અને સ્થાનિક જીવનની ઝલક વિડિયોને અલગ ઓળખ આપે છે અને એમાં નર્ગિસ એક સામાન્ય પ્રવાસી તરીકે ટી-સ્ટૉલ પર ચાની મજા માણતી, પેડલ-રિક્ષામાં ફરતી તેમજ કઠપૂતળી શોનો આનંદ માણતી જોવા મળે છે.
