હું થાઇલૅન્ડમાં ટ્રેઇનિંગ લઈ રહ્યો છું અને સગાઈની મને જ ખબર નથી
કુશાલ ટંડન
શિવાંગી જોશી સાથે સગાઈ કરી રહ્યો હોવાની વાતને કુશાલ ટંડને ફગાવી દીધી છે. આ બન્નેએ સિરિયલ ‘બરસાતેં - મૌસમ પ્યાર કા’માં સાથે કામ કર્યું હતું અને તેઓ ટૂંક સમયમાં સગાઈ કરવાનાં હોવાની ચર્ચા હતી. પચીસ વર્ષની શિવાંગીના અગાઉ ‘બાલિકા વધૂ 2’ના કો-સ્ટાર રણદીપ રાય સાથે રિલેશન હોવાની ચર્ચા હતી. જોકે બાદમાં બન્નેએ જણાવ્યું કે અમે માત્ર સારા ફ્રેન્ડ્સ છીએ. ૩૯ વર્ષનો કુશાલ ગૌહર ખાન સાથેના રિલેશનને લઈને ખૂબ જ ચર્ચામાં રહ્યો હતો, પરંતુ ૨૦૧૪માં તેમનું બ્રેકઅપ થયું હતું. સગાઈ વિશે સાંભળતાં કુશાલ ટંડને પોતાનો ફોટો શૅર કરી એના પર લખ્યું ‘યાર મીડિયાવાલોં એક બાત બતાઓ. મેરી એન્ગેજમેન્ટ હો રહી હૈ ઔર મુઝે હી ના પતા? હું થાઇલૅન્ડમાં માર્શલ આર્ટ્સની ટ્રેઇનિંગ લઈ રહ્યો છું. તમે લોકો આવું કઈ રીતે કરી શકો? ન્યુઝની થોડી તો વિશ્વસનીયતા રાખો. યે આપકી સોર્સ હૈ કૌન?’
ADVERTISEMENT
મને અફવાઓ ખૂબ જ પસંદ છે. મને હંમેશાં મારા વિશે એવી વાતો જાણવા મળે છે જે મને જ ન ખબર હોય.
- શિવાંગી જોશી
- શિવાંગી જોશી