Filmfare Awards 2025: મુખ્ય ઍવોર્ડ નાઈટ ૧૧ ઑક્ટોબરના રોજ અમદાવાદમાં યોજાશે, જેનું આયોજન શાહરૂખ ખાન, કરણ જોહર અને મનીષ પૉલ કરશે. સાંજે અક્ષય કુમાર, અભિષેક બચ્ચન, કૃતિ સેનન, અનન્યા પાંડે અને સિદ્ધાંત ચતુર્વેદી પરફોર્મન્સ પણ કરશે.
ફિલ્મફેરે મુંબઈમાં એક પ્રેસ કોન્ફરન્સનું આયોજન કર્યું
ફિલ્મફેરે મુંબઈમાં એક પ્રેસ કોન્ફરન્સનું આયોજન કર્યું હતું જેમાં ગુજરાત ટુરિઝમ સાથે 70મા હ્યુન્ડાઇ ફિલ્મફેર ઍવોર્ડ્સ 2025ના ટૅકનિકલ અને લેખન કૅટેગરીના વિજેતાઓની જાહેરાત કરવામાં આવી હતી, જેમાં મુખ્ય સમારોહ માટે સ્ટાર લાઇન-અપનો પણ સમાવેશ થાય છે. આ પ્રેસ મીટમાં રાજકુમાર રાવ, તમન્ના ભાટિયા, ગુજરાત ટુરિઝમ સેક્રેટરી રાજેન્દ્ર કુમાર, હ્યુન્ડાઇ મોટર ઇન્ડિયાના COO તરુણ ગર્ગ, વર્લ્ડવાઇડ મીડિયા ડિરેક્ટર અને ZENL ના CEO રોહિત ગોપાકુમાર અને ફિલ્મફેર એડિટર-ઇન-ચીફ જીતેશ પિલ્લઈ હાજર રહ્યા હતા. આ કાર્યક્રમની શરૂઆત પરંપરાગત દીપપ્રાગટ્ય સમારોહથી થઈ હતી.
આ વર્ષે, ફિલમ ‘કિલ’ 5 પુરસ્કારો સાથે ટૅકનિકલ પુરસ્કારોમાં સૌથી આગળ રહી, જ્યારે ‘લાપતા લેડીઝે’ 4 પુરસ્કારો જીત્યા. વિજેતાઓની સંપૂર્ણ યાદી નીચે મુજબ છે:
ADVERTISEMENT
- બેસ્ટ બૅક ગ્રાઉન્ડ સ્કોર: રામ સંપથ (લાપતા લેડીઝ)
- બેસ્ટ સિનેમેટોગ્રાફી: રાફેય મહેમૂદ (કિલ)
- બેસ્ટ પ્રોડક્શન ડિઝાઇન: મયુર શર્મા (કિલ)
- બેસ્ટ કોસ્ચ્યુમ: દર્શન જાલાન (લાપતા લેડીઝ)
- બેસ્ટ સાઉન્ડ ડિઝાઇન: સુભાષ સાહૂ (કિલ)
- બેસ્ટ એડિટિંગ: શિવકુમાર વી. પાનિકર (કિલ)
- બેસ્ટ એક્શન: સીયોંગ ઓહ અને પરવેઝ શેખ (કિલ)
- બેસ્ટ VFX: રીડિફાઇન (મુંજ્યા)
- બેસ્ટ કોરિયોગ્રાફી: બોસ્કો-સીઝર (તૌબા તૌબા ફિલ્મ બેડ ન્યૂઝ)
- બેસ્ટ સ્ટોરી: આદિત્ય ધાર અને મોનલ ઠાકર (આર્ટિકલ 370)
- બેસ્ટ સ્ક્રીનપ્લે: સ્નેહા દેસાઈ (લાપતા લેડીઝ)
- બેસ્ટ ડાયલોગ્સ: સ્નેહા દેસાઈ (લાપતા લેડીઝ)
- બેસ્ટ એડપ્ટેડ સ્ક્રીનપ્લે: રિતેશ શાહ (આઈ વોન્ટ ટુ ટૉક)
મુખ્ય ઍવોર્ડ નાઈટ ૧૧ ઑક્ટોબરના રોજ અમદાવાદમાં યોજાશે, જેનું આયોજન શાહરૂખ ખાન, કરણ જોહર અને મનીષ પૉલ કરશે. સાંજે અક્ષય કુમાર, અભિષેક બચ્ચન, કૃતિ સેનન, અનન્યા પાંડે અને સિદ્ધાંત ચતુર્વેદી પરફોર્મન્સ પણ કરશે. રાજકુમાર રાવે કહ્યું કે ૭૦મા ફિલ્મફેર ઍવોર્ડ્સનો ભાગ બનવું ‘ખાસ અને જાદુઈ’ લાગ્યું, જ્યારે તમન્ના ભાટિયાએ આ પ્રસંગને ‘એક પ્રતિષ્ઠિત ક્ષણ’ ગણાવી જે પેઢીઓથી ભારતીય સિનેમાની સફરને પ્રતિબિંબિત કરે છે. ૭૦મો હ્યુન્ડાઇ ફિલ્મફેર ઍવોર્ડ્સ ૨૦૨૫ હિન્દી સિનેમાનો એક સીમાચિહ્નરૂપ ઉજવણી બનવાનું વચન આપે છે, જે દેશના સૌથી મોટા સ્ટાર્સ અને બેસ્ટ વાર્તાકારોને એકસાથે લાવશે.
પ્રેસ કોન્ફરન્સમાં, ગુજરાતના પર્યટન સચિવ રાજેન્દ્ર કુમારે જણાવ્યું હતું કે ગુજરાતને ૭૦મી આવૃત્તિનું આયોજન કરવાનો ગર્વ છે, જેમાં રાજ્યના લેન્ડસ્કેપ્સ, વારસો અને ફિલ્મ-મૈત્રીપૂર્ણ માળખાગત સુવિધાઓ પર પ્રકાશ પાડવામાં આવ્યો છે. હ્યુન્ડાઇના તરુણ ગર્ગે ફિલ્મફેર સાથે હ્યુન્ડાઇની સતત ભાગીદારી વિશે વાત કરી, સિનેમાને એક એવી શક્તિ ગણાવી જે રાષ્ટ્રને એક કરે છે. વર્લ્ડવાઇડ મીડિયાના રોહિત ગોપાકુમારે ફિલ્મફેરના સિનેમાની ઉજવણીના ૭૦ વર્ષના વારસા પર પ્રતિબિંબ પાડ્યો, જ્યારે જિતેશ પિલ્લઈએ નોંધ્યું કે ઍવોર્ડ્સે હંમેશા હિન્દી ફિલ્મોની વિવિધતાને કેવી રીતે સન્માનિત કરી છે.
