ગલ્ફના ૬ દેશોએ બૅન કરી હોવા છતાંય પરદેશમાં ધુરંધરનો ધમાકેદાર બિઝનેસ, ૭ દિવસમાં ગ્રૉસ ૭૦+ કરોડ રૂપિયા રળ્યા, રણવીર સિંહને મુખ્ય ભૂમિકામાં ચમકાવતી ફિલ્મ ‘ધુરંધર’ ભારતમાં ધૂમ મચાવી રહી છે, પણ પાકિસ્તાનવિરોધી હોવાને કારણે ૬ દેશોએ એને બૅન કરી દીધી છે.
ધુરંધર
રણવીર સિંહને મુખ્ય ભૂમિકામાં ચમકાવતી ફિલ્મ ‘ધુરંધર’ ભારતમાં ધૂમ મચાવી રહી છે, પણ પાકિસ્તાનવિરોધી હોવાને કારણે ૬ દેશોએ એને બૅન કરી દીધી છે. બાહરિન, કુવૈત, ઓમાન, કતર, સાઉદી અરેબિયા અને યુનાઇટેડ આરબ એમિરેટ્સ (UAE)માં આ ફિલ્મ રિલીઝ નથી થઈ શકી. જોકે એ છતાંય આ ફિલ્મે પરદેશમાં પહેલા અઠવાડિયામાં ૭૦.૬૦ કરોડ રૂપિયાનું ગ્રૉસ કલેક્શન કર્યું છે.
ADVERTISEMENT
ભારતમાં ૭ દિવસમાં ૨૧૮ કરોડ
‘ધુરંધર’ રિલીઝ થયાને અઠવાડિયું પૂરું થઈ ગયું છે અને આ ફિલ્મે ૭ દિવસમાં ભારતમાં બૉક્સ-ઑફિસ પર ૨૧૮ કરોડ રૂપિયાનું નેટ કલેક્શન કર્યું છે.
